Nova Vulgata49 49,1Magistro chori. Filiorum Core. Psalmus.
Nova Vulgata 49,2Audite haec, omnes gentes, auribus percipite, omnes, qui habitatis orbem:
Nova Vulgata 49,3quique humiles et viri nobiles, simul in unum dives et pauper!
Nova Vulgata 49,4Os meum loquetur sapientiam, et meditatio cordis mei prudentiam.
Nova Vulgata 49,5Inclinabo in parabolam aurem meam, aperiam in psalterio aenigma meum.
Nova Vulgata 49,6Cur timebo in diebus malis, cum iniquitas supplantantium circumdabit me?
Nova Vulgata 49,7Qui confidunt in virtute sua et in multitudine divitiarum suarum gloriantur.
Nova Vulgata Etenim seipsum non redimet homo; non dabit Deo propitiationem suam.
8aUt est in 8 mss, legitur ’āk loco ’aḥ; legiturque jippāde(h) loco jiphde(h)
Nova Vulgata 49,9Nimium est pretium redemptionis animae eius: ad ultimum deficiet,
Nova Vulgata 49,10ut vivat usque in finem nec videat interitum.
Nova Vulgata 49,11Et videbit sapientes morientes; simul insipiens et stultus peribunt et relinquent alienis divitias suas.
Nova Vulgata 49,12Sepulcra eorum domus illorum in aeternum; tabernacula eorum in progeniem et progeniem, etsi vocaverunt nominibus suis terras suas.
Nova Vulgata 49,13Et homo, cum sit in honore, non permanebit; comparatus est iumentis, quae pereunt, et similis factus est illis.
Nova Vulgata 49,14Haec via illorum, quorum fiducia in semetipsis, et finis eorum, qui complacent in ore suo.
Nova Vulgata 49,15Sicut oves in inferno positi sunt, mors depascet eos; descendent praecipites ad sepulcrum, et figura eorum erit in consumptionem: infernus habitaculum eorum.
Nova Vulgata 49,16Verumtamen Deus redimet animam meam, de manu inferi vere suscipiet me.
Nova Vulgata 49,17Ne timueris, cum dives factus fuerit homo, et cum multiplicata fuerit gloria domus eius,
Nova Vulgata 49,18quoniam, cum interierit, non sumet omnia, neque descendet cum eo gloria eius.
Nova Vulgata 49,19Cum animae suae in vita ipsius benedixerit: «Laudabunt te quod benefecisti tibi»,
Nova Vulgata 49,20tamen introibit ad progeniem patrum suorum, qui in aeternum non videbunt lumen.
Nova Vulgata 49,21Homo, cum in honore esset, non intellexit; comparatus est iumentis, quae pereunt, et similis factus est illis.