Nova Vulgata66,1Et rursus levavi oculos meos et vidi: et ecce quattuor quadrigae egredientes de medio duorum montium; et montes, montes aerei.
Nova Vulgata6,2In quadriga prima equi rufi, et in quadriga secunda equi nigri,
Nova Vulgataet in quadriga tertia equi albi, et in quadriga quarta equi varii.
3Varii – TM «varii, fortes»
Nova Vulgata6,4Et respondi et dixi ad angelum, qui loquebatur in me: “Quid sunt haec, do-mine mi?”.
Nova Vulgata6,5Et respondit angelus et ait ad me: “Isti sunt quattuor venti caeli, qui egrediun-tur, postquam steterunt coram Dominatore omnis terrae”.
Nova Vulgata6,6In qua erant equi nigri, egrediebantur in terram aquilonis, et albi egressi sunt post eos, et varii egressi sunt ad terram austri.
Nova Vulgata6,7Et equi fortes exierunt et quaerebant ire et discurrere per terram. Et dixit: “Ite, perambulate terram”. Et perambulaverunt terram.
Nova Vulgata6,8Et vocavit me et locutus est ad me dicens: “Ecce, qui egrediuntur in terram aquilonis requiescere fecerunt spiritum meum in terra aquilonis”.
Nova Vulgata6,9Et factum est verbum Domini ad me dicens:
Nova Vulgata6,10“Sume ab his, qui de captivitate sunt, ab Holdai et a Thobia et ab Iedaia, et venies tu in die illa et intrabis domum Iosiae filii Sophoniae, qui venerunt de Babylone.
Nova VulgataEt sumes argentum et aurum et facies coronam et pones in capite Iesua filii Iosedec, sacerdotis magni,
11Coronam – Lege cum paucis mss Hebraicis, Gr, Syr et Targ ‛ăṭeret; TM «coronas»
Nova Vulgata6,12et loqueris ad eum dicens: Haec ait Dominus exercituum dicens: Ecce vir, Germen nomen eius; et in loco suo aliquid germinabit et aedificabit templum Domini.
Nova VulgataEt ipse exstruet templum Domini; et ipse portabit gloriam et sedebit et domi-nabitur super solio suo; et erit sacerdos ad dexteram eius, et consilium pacis erit inter illos duos.
13Ad dexteram eius – Lege cum Gr ‛al-jemînô; TM «super solio suo»
Nova VulgataEt corona erit Helem et Thobiae et Iedaiae et Hen filio Sophoniae memoriale in templo Domini.
14Et corona – Lege cum Gr, Syr et Targ wehā‛ăṭeret; TM «et coronae»
Nova Vulgata6,15Et qui procul sunt, venient et aedificabunt in templo Domini; et scietis quia Dominus exercituum misit me ad vos. Erit autem hoc, si oboedieritis voci Domini Dei vestri”».
