Nova Vulgata2323,1Locutus est Dominus ad Moysen dicens:
Nova Vulgata23,2«Loquere filiis Israel et dices ad eos: Hae sunt feriae Domini, quas vocabitis conventus sanctos; hae sunt feriae meae.
Nova Vulgata 23,3Sex diebus facietis opus; dies septimus sabbatum requiei est, conventus sanctus; omne opus non facietis; sabbatum est Domino in cunctis habitationibus vestris.
Nova Vulgata 23,4Hae sunt ergo feriae Domini, conventus sancti, quas celebrare debetis temporibus suis.
Nova Vulgata 23,5Mense primo, quarta decima die mensis, ad vesperum Pascha Domini est.
Nova Vulgata23,6Et quinta decima die mensis huius sollemnitas Azymorum Domini est. Septem diebus azyma comedetis.
Nova Vulgata23,7Die primo erit vobis conventus sanctus; omne opus servile non facietis in eo,
Nova Vulgata23,8sed offeretis incensum Domino septem diebus. Die autem septimo erit conventus sanctus, nullumque servile opus facietis in eo».
Nova Vulgata 23,9Locutusque est Dominus ad Moysen dicens:
Nova Vulgata23,10«Loquere filiis Israel et dices ad eos: Cum ingressi fueritis terram, quam ego dabo vobis, et messueritis segetem, feretis manipulum spicarum primitias messis vestrae ad sacerdotem,
Nova Vulgata23,11qui elevabit fasciculum coram Domino, ut acceptabile sit pro vobis; altero die sabbati sanctificabit illum.
Nova Vulgata23,12Atque in eodem die, quo manipulum consecrabitis, facietis agnum immaculatum anniculum in holocaustum Domino,
Nova Vulgata23,13et oblationem cum eo duas decimas similae conspersae oleo in incensum Domino odoremque suavissimum et libamentum eius vini quartam partem hin.
Nova Vulgata23,14Panem et grana tosta farrem recentem non comedetis ex segete usque ad diem, qua offeretis ex ea munus Deo vestro. Praeceptum est sempiternum generationibus vestris in cunctis habitaculis vestris.
Nova Vulgata 23,15Numerabitis vobis ab altero die sabbati, in quo obtulistis manipulum elationis, septem hebdomadas plenas
Nova Vulgata23,16usque ad alteram diem expletionis hebdomadae septimae, id est quinquaginta dies; et sic offeretis oblationem novam Domino
Nova Vulgata23,17ex habitaculis vestris panes elationis duos de duabus decimis similae fermentatae, quos coquetis in primitias Domino;
Nova Vulgata23,18offeretisque cum panibus septem agnos immaculatos anniculos et vitulum de armento unum et arietes duos, et erunt holocaustum Domino cum oblatione similae et libamentis suis in odorem suavissimum Domino.
Nova Vulgata23,19Facietis et hircum in sacrificium pro peccato duosque agnos anniculos, hostias pacificorum.
Nova Vulgata23,20Cumque elevaverit eos sacerdos cum panibus primitiarum coram Domino, cum duobus agnis sanctum erunt Domino in usum sacerdotis.
Nova Vulgata23,21Et vocabitis hoc ipso die conventum, conventus sanctus erit vobis; omne opus servile non facietis in eo. Legitimum sempiternum erit in cunctis habitaculis generationibus vestris.
Nova Vulgata 23,22Cum autem metatis segetem terrae vestrae, non secabis eam usque ad oram agri nec remanentes spicas colliges, sed pauperibus et peregrinis dimittes eas. Ego Dominus Deus vester».
Nova Vulgata 23,23Locutusque est Dominus ad Moysen dicens:
Nova Vulgata23,24«Loquere filiis Israel: Mense septimo, prima die mensis, erit vobis requies, memoriale, clangentibus tubis, conventus sanctus.
Nova Vulgata23,25Omne opus servile non facietis in eo et offeretis incensum Domino».
Nova Vulgata 23,26Locutusque est Dominus ad Moysen dicens:
Nova Vulgata23,27«Attamen decimo die mensis huius septimi dies Expiationum est, conventus sanctus erit vobis; affligetisque animas vestras in eo et offeretis incensum Domino.
Nova Vulgata23,28Omne opus non facietis in tempore diei huius, quia dies expiationum est in expiationem vestram coram Domino Deo vestro.
Nova Vulgata23,29Omnis anima, quae afflicta non fuerit die hoc, peribit de populis suis;
Nova Vulgata23,30et,quae operis quippiam fecerit die hac, delebo eam de populo suo.
Nova Vulgata23,31Nihil ergo operis facietis in eo: legitimum sempiternum erit vestris generationibus in cunctis habitationibus vestris.
Nova Vulgata23,32Sabbatum requietionis est vobis, et affligetis animas vestras; die nono mensis a vespero usque ad vesperum servabitis sabbatum vestrum».
Nova Vulgata 23,33Et locutus est Dominus ad Moysen dicens:
Nova Vulgata23,34«Loquere filiis Israel: Quinto decimo die mensis huius septimi erit festum Tabernaculorum septem diebus Domino.
Nova Vulgata23,35Die primo conventus sanctus, omne opus servile non facietis in eo;
Nova Vulgata23,36septem diebus offeretis incensum Domino. Die octavo conventus sanctus erit vobis et offeretis incensum Domino; est enim coetus: omne opus servile non facietis.
Nova Vulgata 23,37Hae sunt feriae Domini, quas vocabitis conventus sanctos, offeretisque in eis incensum Domino, holocausta et oblationes similae, sacrificia et libamenta iuxta ritum uniuscuiusque diei;
Nova Vulgata23,38praeter sabbata Domini donaque vestra et omnia, quae offeretis ex voto vel quae sponte tribuetis Domino.
Nova Vulgata 23,39Sed quinto decimo die mensis septimi, quando congregaveritis omnes fructus terrae, celebrabitis festum Domini septem diebus; die primo et die octavo erit requies.
Nova Vulgata23,40Sumetisque vobis die primo fructus arboris pulcherrimos spatulasque palmarum et ramos ligni densarum frondium et salices de torrente et laetabimini coram Domino Deo vestro.
Nova Vulgata23,41Celebrabitisque sollemnitatem eius septem diebus per annum: legitimum sempiternum erit generationibus vestris. Mense septimo festum celebrabitis
Nova Vulgata23,42et habitabitis in umbraculis septem diebus; omnis, qui de genere est Israel, manebit in tabernaculis,
Nova Vulgata23,43ut discant posteri vestri quod in tabernaculis habitare fecerim filios Israel, cum educerem eos de terra Aegypti. Ego Dominus Deus vester».
Nova Vulgata 23,44Locutusque est Moyses super sollemnitatibus Domini ad filios Israel.