Nova Vulgata127 127,1Canticum ascensionum. Salomonis. Nisi Dominus aedificaverit domum, in vanum laborant, qui aedificant eam. Nisi Dominus custodierit civitatem, frustra vigilat, qui custodit eam.
Nova Vulgata 127,2Vanum est vobis ante lucem surgere et sero quiescere, qui manducatis panem laboris, quia dabit dilectis suis somnum.
Nova Vulgata 127,3Ecce hereditas Domini filii, merces fructus ventris.
Nova Vulgata 127,4Sicut sagittae in manu potentis, ita filii iuventutis.
Nova Vulgata 127,5Beatus vir, qui implevit pharetram suam ex ipsis: non confundetur, cum loquetur inimicis suis in porta.