Nova Vulgata4646,1Concidit Bel, incurvavit se Nabo; fuerunt simulacra eorum bestiis et iumentis. Statuae vestrae portantur, onera lassis.
Nova Vulgata 46,2Se incurvaverunt et conciderunt simul; non potuerunt salvare onus et ipsi in captivitatem ibunt.
Nova Vulgata 46,3Audite me, domus Iacob et omne residuum domus Israel, qui portamini ab utero, qui gestamini a vulva.
Nova Vulgata 46,4Usque ad senectam ego ipse et usque ad canos ego portabo; et ego feci et ego feram, ego portabo et salvabo.
Nova Vulgata 46,5Cui assimilatis me et adaequatis et comparatis me, et erimus similes?
Nova Vulgata 46,6Qui effundunt aurum de sacculo et argentum statera ponderant, conducunt aurificem, ut faciat deum, et procidunt et adorant.
Nova Vulgata 46,7Portant illum in umeris gestantes et ponentes in loco suo; et stabit ac de loco suo non movebitur; sed et si quis clamat ad eum, non respondet; de tribulatione eius non salvabit eum.
Nova Vulgata Mementote istud et confundamini; redite, praevaricatores, ad cor.
8Et confundamini – Lege cum Vg wehitbôšāšû; TM «fortes vos praebete»
Nova Vulgata 46,9Recordamini prioris saeculi, quoniam ego sum Deus, et non est ultra Deus, nec est similis mei.
Nova Vulgata 46,10Annuntians ab exordio novissimum et ab initio, quae necdum facta sunt, dicens: «Consilium meum stabit, et omnem voluntatem meam faciam».
Nova Vulgata 46,11Vocans ab oriente avem rapacem et de terra longinqua virum consilii mei; et locutus sum et adducam illud, decrevi et faciam illud.
Nova Vulgata 46,12Audite me, duri corde, qui longe estis a iustitia.
Nova Vulgata 46,13Prope feci iustitiam meam, non elongabitur; et salus mea non morabitur: et dabo in Sion salutem et Israeli gloriam meam.
