Nova Vulgata3131,1In tempore illo, dicit Dominus, ero Deus universis cognationibus Israel, et ipsi erunt mihi in populum.
Nova Vulgata Haec dicit Dominus: Invenit gratiam in deserto populus, qui remanserat a gladio; vadet ad requiem suam Israel».
2Ad requiem suam – Lege cum Vg (cfr. Targ) lemargô‛ô; TM «ut requiem det ei»
Nova Vulgata 31,3De longe Dominus apparuit mihi: «In caritate perpetua dilexi te; ideo attraxi te in misericordia.
Nova Vulgata 31,4Rursumque aedificabo te, et aedificaberis, virgo Israel; adhuc ornaberis tympanis tuis et egredieris in choro ludentium.
Nova Vulgata 31,5Adhuc plantabis vineas in montibus Samariae; plantabunt plantantes et vindemiabunt.
Nova Vulgata 31,6Quia erit dies, in qua clamabunt custodes in monte Ephraim: “Surgite, et ascendamus in Sion ad Dominum Deum nostrum”.
Nova Vulgata 31,7Quia haec dicit Dominus: Exsultate in laetitia propter Iacob et hinnite capiti gentium; personate, canite et dicite: “Salva, Domine, populum tuum, reliquias Israel”.
Nova Vulgata 31,8Ecce ego adducam eos de terra aquilonis et congregabo eos ab extremis terrae; inter quos erunt caecus et claudus, praegnans et pariens simul: coetus magnus revertentium huc.
Nova Vulgata 31,9In fletu venient, et in deprecatione reducam eos et adducam eos per torrentes aquarum in via recta, et non impingent in ea, quia factus sum Israeli pater, et Ephraim primogenitus meus est».
Nova Vulgata 31,10Audite verbum Domini, gentes, et annuntiate in insulis, quae procul sunt, et dicite: «Qui dispersit Israel, congregabit eum et custodiet eum sicut pastor gregem suum».
Nova Vulgata 31,11Redemit enim Dominus Iacob et liberavit eum de manu potentioris.
Nova Vulgata 31,12Et venient et laudabunt in monte Sion et confluent ad bona Domini super frumento et vino et oleo et fetu pecorum et armentorum; eritque anima eorum quasi hortus irriguus, et ultra non esurient.
Nova Vulgata 31,13Tunc laetabitur virgo in choro, iuvenes et senes simul. «Et convertam luctum eorum in gaudium et consolabor eos et laetificabo a dolore suo.
Nova Vulgata 31,14Et inebriabo animam sacerdotum pinguedine, et populus meus bonis meis adimplebitur», ait Dominus.
Nova Vulgata 31,15Haec dicit Dominus: «Vox in Rama audita est lamentationis, luctus et fletus Rachel plorantis filios suos et nolentis consolari super eis, quia non sunt».
Nova Vulgata 31,16Haec dicit Dominus: «Quiescat vox tua a ploratu, et oculi tui a lacrimis, quia est merces operi tuo, ait Dominus, et revertentur de terra inimici.
Nova Vulgata 31,17Et est spes novissimis tuis, ait Dominus, et revertentur filii ad terminos suos.
Nova Vulgata 31,18Audiens audivi Ephraim transmigrantem: “Castigasti me, et eruditus sum quasi iuvenculus indomitus; converte me, et convertar, quia tu Dominus Deus meus.
Nova Vulgata 31,19Postquam enim convertisti me, egi paenitentiam; et postquam ostendisti mihi, percussi femur meum; confusus sum et erubui, quoniam sustinui opprobrium adulescentiae meae”.
Nova Vulgata Estne filius honorabilis mihi Ephraim aut puer delectabilis, quia ex quo locutus sum de eo, adhuc recordabor eius? Idcirco conturbata sunt viscera mea super eum: miserans miserebor eius», ait Dominus.
20Super eum – Verss legerunt ‛ālāw; TM lô (= ei )
Nova Vulgata 31,21Statue tibi lapides, pone tibi signa, dirige cor tuum in iter, viam, in qua ambulasti; revertere, virgo Israel, revertere ad civitates tuas istas.
Nova Vulgata 31,22Usquequo vagaberis, filia rebellis? Quia creavit Dominus novum super terram: femina circumdabit virum.
Nova Vulgata 31,23Haec dicit Dominus exercituum, Deus Israel: «Adhuc dicent verbum istud in terra Iudae et in urbibus eius, cum convertero sortem eorum: “Benedicat tibi Dominus, habitaculum iustitiae, mons sanctus”.
Nova VulgataEt habitabunt in eo Iudas et omnes civitates eius simul, agricolae et minantes greges.
24Et minantes – Lege cum Targ, Aq, Sym et Vg wenōse‛ê; TM «et minabant»
Nova Vulgata31,25Quia inebriavi animam lassam et omnem animam esurientem saturavi».
Nova Vulgata Ideo quasi de somno suscitatus sum et vidi, et somnus meus dulcis mihi.
26Probabiliter est glossa
Nova Vulgata 31,27«Ecce dies veniunt, dicit Dominus, et seminabo domum Israel et domum Iudae semine hominum et semine iumentorum.
Nova Vulgata31,28Et sicut vigilavi super eos, ut evellerem et demolirer et dissiparem et disperderem et affligerem, sic vigilabo super eos, ut aedificem et plantem, ait Dominus.
Nova Vulgata 31,29In diebus illis non dicent ultra: “Patres comederunt uvam acerbam, et dentes filiorum obstupuerunt”,
Nova Vulgata 31,30sed unusquisque in iniquitate sua morietur; omnis homo, qui comederit uvam acerbam, obstupescent dentes eius.
Nova Vulgata 31,31Ecce dies veniunt, dicit Dominus, et feriam domui Israel et domui Iudae pactum novum;
Nova Vulgata31,32non secundum pactum, quod pepigi cum patribus eorum in die qua apprehendi manum eorum, ut educerem eos de terra Aegypti, pactum, quod irritum fecerunt, et ego dominatus sum eorum, dicit Dominus.
Nova Vulgata 31,33Sed hoc erit pactum, quod feriam cum domo Israel post dies illos, dicit Dominus: Dabo legem meam in visceribus eorum et in corde eorum scribam eam; et ero eis in Deum, et ipsi erunt mihi in populum.
Nova Vulgata31,34Et non docebit ultra vir proximum suum, et vir fratrem suum dicens: “Cognosce Dominum”; omnes enim cognoscent me, a minimo eorum usque ad maximum, ait Dominus, quia propitiabor iniquitati eorum et peccati eorum non memorabor amplius».
Nova Vulgata 31,35Haec dicit Dominus, qui dat solem in lumine diei, ordinem lunae et stellarum in lumine noctis, qui turbat mare, et fremunt fluctus eius, Dominus exercituum nomen illi:
Nova Vulgata 31,36«Si defecerint leges istae coram me, dicit Dominus, tunc et semen Israel deficiet, ut non sit gens coram me cunctis diebus».
Nova Vulgata 31,37Haec dicit Dominus: «Si mensurari potuerint caeli sursum, et investigari fundamenta terrae deorsum, et ego abiciam universum semen Israel propter omnia, quae fecerunt, dicit Dominus.
Nova Vulgata Ecce dies veniunt, dicit Dominus, et aedificabitur civitas Domino a turre Hananeel usque ad portam Anguli,
38Veniunt – Insere cum multis mss Hebraicis, qere et verss bā’îm Usque ad – Insere cum verss ‛ad
Nova Vulgata31,39et exibit ultra norma mensurae in conspectu eius super collem Gareb et vertetur in Goa,
Nova Vulgata31,40et omnis vallis cadaverum et cineris et universa regio usque ad torrentem Cedron et usque ad angulum portae Equorum orientalis sanctum Domini; non evelletur et non destruetur ultra in perpetuum».