Nova Vulgata55,1Circuite vias Ierusalem et aspicite et considerate et quaerite in plateis eius, an inveniatis virum, an sit qui faciat iudicium et quaerentem fidem, et propitius ero ei.
Nova Vulgata Quod si etiam «Vivit Dominus!» dixerint, certe falso iurabunt.
2Certe – Lege cum multis mss Hebraicis ’ākēn; TM «ideo»
Nova Vulgata 5,3Domine, nonne oculi tui respiciunt fidem? Percussisti eos, et non doluerunt, attrivisti eos, et renuerunt accipere disciplinam: induraverunt facies suas supra petram, noluerunt reverti.
Nova Vulgata 5,4Ego autem dixi: «Ecce pauperes illi stulte agunt, quia ignorant viam Domini, iudicium Dei sui.
Nova Vulgata 5,5Ibo igitur ad optimates et loquar eis; ipsi enim noverunt viam Domini, iudicium Dei sui». Ecce hi simul confregerunt iugum, ruperunt vincula.
Nova Vulgata 5,6Idcirco percussit eos leo de silva, lupus deserti vastabit eos, pardus vigilans super civitates eorum: omnis, qui egressus fuerit ex eis, lacerabitur, quia multiplicatae sunt praevaricationes eorum, confortatae sunt aversiones eorum.
Nova Vulgata «Super quo propitius tibi esse potero? Filii tui dereliquerunt me et iuraverunt in his, qui non sunt dii; saturavi eos, et moechati sunt et in domum meretricis gregatim confluebant.
7Gregatim confluebant – Lege cum Gr et VL jitgôrārû; TM «sibi incisiones faciebant»
Nova Vulgata 5,8Equi impinguati et admissarii facti sunt: unusquisque ad uxorem proximi sui hinniebat.
Nova Vulgata 5,9Numquid super his non visitabo, dicit Dominus, et in gente tali non ulciscetur anima mea?
Nova Vulgata 5,10Ascendite muros eius et dissipate, consummationem autem nolite facere; auferte propagines eius, quia non sunt Domini.
Nova Vulgata 5,11Praevaricatione enim praevaricata est in me domus Israel et domus Iudae», ait Dominus.
Nova Vulgata 5,12Negaverunt Dominum et dixerunt: «Non est ipse; neque veniet super nos malum, et gladium et famem non videbimus.
Nova Vulgata 5,13Prophetae erunt in ventum, et responsum non est in eis. Haec ergo evenient illis».
Nova Vulgata 5,14Propterea haec dicit Dominus, Deus exercituum: «Quia locuti estis verbum istud, ecce ego do verba mea in ore tuo in ignem et populum istum in ligna, et vorabit eos.
Nova Vulgata 5,15Ecce ego adducam super vos gentem de longinquo, domus Israel, ait Dominus, gentem robustam, gentem antiquam, gentem, cuius ignorabis linguam nec intelleges quid loquatur.
Nova Vulgata 5,16Pharetra eius quasi sepulcrum patens universi fortes.
Nova Vulgata 5,17Et comedet segetes tuas et panem tuum, devorabit filios tuos et filias tuas, comedet gregem tuum et armenta tua, comedet vineam tuam et ficum tuam; et conteret urbes munitas tuas, in quibus tu habes fiduciam, gladio.
Nova Vulgata 5,18Verumtamen et in diebus illis, ait Dominus, non faciam in vobis consummationem».
Nova Vulgata 5,19Quod si dixeritis: «Quare fecit nobis Dominus Deus noster haec omnia?», dices ad eos: «Sicut dereliquistis me et servistis diis alienis in terra vestra, sic servietis alienis in terra non vestra».
Nova Vulgata 5,20Annuntiate hoc domui Iacob et auditum facite in Iuda dicentes:
Nova Vulgata 5,21«Audi, popule stulte, qui non habes cor, qui habentes oculos non vident, et aures et non audiunt.
Nova Vulgata 5,22Numquid me non timebitis, ait Dominus, et a facie mea non trepidabitis? Qui posui arenam terminum mari, praeceptum sempiternum, quod non praeteribit; et commovebuntur et non poterunt, et intumescent fluctus eius, et non transibunt illud».
Nova Vulgata 5,23Populo autem huic factum est cor contumax et rebelle; recesserunt et abierunt
Nova Vulgata 5,24et non dixerunt in corde suo: «Metuamus Dominum Deum nostrum, qui dat nobis pluviam temporaneam et serotinam in tempore suo, hebdomadas statutas messis custodientem nobis».
Nova Vulgata 5,25Iniquitates vestrae declinaverunt haec, et peccata vestra prohibuerunt bonum a vobis,
Nova Vulgata quia inventi sunt in populo meo impii, insidiantes quasi incurvati aucupes, laqueos ponentes ad capiendos viros.
26Insidiantes – Lege ješûrû; TM «insidiatur» ( = insidians)
Nova Vulgata 5,27Sicut decipula plena avibus, sic domus eorum plenae dolo; ideo magnificati sunt et ditati,
Nova Vulgata 5,28incrassati sunt et impinguati: et transgressi sunt terminos mali. Causam non iudicaverunt, causam pupilli, ut ipsi prospere agant, et iudicium pauperum non iudicaverunt.
Nova Vulgata 5,29Numquid super his non visitabo, dicit Dominus, aut super gentem huiuscemodi non ulciscetur anima mea?
Nova Vulgata 5,30Stupor et mirabilia facta sunt in terra:
Nova Vulgata 5,31prophetae prophetabant mendacium, et sacerdotes applaudebant manibus suis, et populus meus dilexit talia. Quid igitur facietis in novissimo eius?
