Nova Vulgata57 57,1Magistro chori. Secundum «Ne destruxeris». David. Miktam. Quando a Saul in cavernam fugit.
Nova Vulgata 57,2Miserere mei, Deus, miserere mei, quoniam in te confugit anima mea; et in umbra alarum tuarum confugiam, donec transeant insidiae.
Nova Vulgata 57,3Clamabo ad Deum Altissimum, Deum, qui benefecit mihi.
Nova Vulgata 57,4Mittet de caelo et liberabit me; dabit in opprobrium conculcantes me. Mittet Deus misericordiam suam et veritatem suam.
Nova Vulgata 57,5Anima mea recumbit in medio catulorum leonum devorantium filios hominum. Dentes eorum arma et sagittae et lingua eorum gladius acutus.
Nova Vulgata 57,6Exaltare super caelos, Deus, super omnem terram gloria tua.
Nova Vulgata 57,7Laqueum paraverunt pedibus meis, et incurvavit se anima mea; foderunt ante faciem meam foveam, et ipsi inciderunt in eam.
Nova Vulgata 57,8Paratum cor meum, Deus, paratum cor meum;
Nova Vulgata 57,9cantabo et psalmum dicam. Exsurge, gloria mea; exsurge, psalterium et cithara, excitabo auroram.
Nova Vulgata 57,10Confitebor tibi in populis, Domine, et psalmum dicam tibi in nationibus,
Nova Vulgata 57,11quoniam magnificata est usque ad caelos misericordia tua, et usque ad nubes veritas tua.
Nova Vulgata 57,12Exaltare super caelos, Deus, super omnem terram gloria tua.