Nova Vulgata88,1Haec ostendit mihi Dominus Deus: et ecce canistrum pomorum.
Nova Vulgata 8,2Et dixit: «Quid tu vides, Amos?». Et dixi: «Canistrum pomorum». Et dixit Dominus ad me: «Venit finis super populum meum Israel; non adiciam ultra ignoscere ei.
Nova Vulgata Et lugent cantatrices palatii in die illa, dicit Dominus Deus; multa erunt cadavera, in omni loco proicientur: silentium.
3Cantatrices – Lege šārôt; TM «cantus»
Nova Vulgata Audite hoc, qui conteritis pauperem et deficere facitis egenos terrae,
4Qui conteritis – Lege haššāfîm; TM «qui anhelatis»
Nova Vulgata 8,5dicentes: “Quando transibit neomenia, et venumdabimus merces? Et sabbatum, et aperiemus frumentum, ut imminuamus mensuram et augeamus siclum et supponamus stateras dolosas,
Nova Vulgata 8,6ut possideamus in argento egenos et pauperem pro calceamentis et quisquilias frumenti vendamus?”».
Nova Vulgata 8,7Iuravit Dominus in superbia Iacob: «Non obliviscar in perpetuum omnia opera eorum.
Nova Vulgata Numquid super isto non commovebitur terra, et lugebit omnis habitator eius, et ascendet quasi fluvius universa, fervebit et decrescet quasi flumen Aegypti?
8Quasi fluvius – Lege cum nonnullis mss Hebraicis, Targ, Syr, Gr et Vg (cfr. 9,5) kaj’ōr; TM «quasi lumen»
Nova Vulgata 8,9Et erit: in die illa, dicit Dominus Deus, occidere faciam solem in meridie et tenebrescere faciam terram in die luminis
Nova Vulgata 8,10et convertam festivitates vestras in luctum et omnia cantica vestra in planctum; et inducam super omnes lumbos saccum et super omne caput calvitium; et ponam eam quasi luctum unigeniti et novissima eius quasi diem amarum.
Nova Vulgata Ecce dies veniunt, dicit Dominus, et mittam famem in terram; non famem panis neque sitim aquae, sed audiendi verbum Domini».
11Verbum – Lege cum paucis mss Hebraicis et Graecis, Syr et Vg debar; TM «verba»
Nova Vulgata 8,12Et fugient a mari usque ad mare; et ab aquilone usque ad orientem circuibunt, quaerentes verbum Domini, et non invenient.
Nova Vulgata 8,13In die illa deficient virgines pulchrae et adulescentes in siti.
Nova Vulgata 8,14Qui iurant in delicto Samariae et dicunt: «Vivit Deus tuus, Dan!» et «Vivit via, Bersabee!», et cadent et non resurgent ultra.
