Nova Vulgata3434,1Accedite, gentes, ad audiendum, et populi, attendite; Audiat terra et plenitudo eius, orbis et omne germen eius.
Nova Vulgata 34,2Quia indignatio Domini super omnes gentes, et furor super universam militiam eorum: ad interitum devovit eos et dedit eos in occisionem.
Nova Vulgata 34,3Interfecti eorum proicientur, et de cadaveribus eorum ascendet foetor; dissolventur montes sanguine eorum.
Nova Vulgata 34,4Et tabescet omnis militia caelorum, et complicabuntur sicut liber caeli, et omnis militia eorum defluet, sicut defluit folium de vinea et arida frons de ficu.
Nova Vulgata 34,5Quoniam inebriatus est in caelo gladius meus: ecce super Edom descendet et super populum interfectionis meae ad iudicium.
Nova Vulgata 34,6Gladius Domini repletus est sanguine, incrassatus est adipe, de sanguine agnorum et hircorum, de adipe viscerum arietum; victima enim Domini in Bosra, et interfectio magna in terra Edom.
Nova Vulgata 34,7Cadunt bubali cum eis, iuvenci cum tauris; inebriabitur terra eorum sanguine, et humus eorum adipe pinguium,
Nova Vulgata 34,8quia dies ultionis Domini, annus retributionum ad vindicandam Sion.
Nova Vulgata 34,9Et convertentur torrentes eius in picem, et humus eius in sulphur, et erit terra eius in picem ardentem.
Nova Vulgata 34,10Nocte et die non exstinguetur, in sempiternum ascendet fumus eius, a generatione in generationem desolabitur, in saecula saeculorum non erit transiens per eam.
Nova Vulgata 34,11Et possidebunt illam onocrotalus et ericius, noctua et corvus habitabunt in ea; et extendet super eam mensuram solitudinis et perpendiculum desolationis.
Nova Vulgata Nobiles eius non erunt, nec regnum proclamabunt; et omnes principes eius erunt in nihilum.
12Non erunt – Lege cum Gr et Syr lō’ jihjû; TM omittit
Nova Vulgata 34,13Et orientur in domibus eius spinae, urticae et paliurus in munitionibus eius; et erit cubile draconum et pascua struthionum.
Nova Vulgata 34,14Et occurrent hyaenae thoibus, et pilosus clamat ad amicum suum; ibi cubat lamia et invenit sibi requiem.
Nova Vulgata 34,15Ibi nidificat serpens ovaque deponit et circumfodit et fovet in umbra eius; illuc congregantur milvi alter ad alterum.
Nova Vulgata Requirite in libro Domini et legite: unum ex eis non deest, alter alterum exspectare non debet; quia os Domini praecepit, et spiritus eius ipse congregavit ea.
16Os Domini – Lege pî jhwh; TM «os meum, ipse»
Nova Vulgata 34,17Et ipse misit eis sortem, et manus eius divisit terram illis in mensura; usque in aeternum possidebunt eam, in generatione et generatione habitabunt in ea.