Nova Vulgata11,1Beatus vir, qui non abiit in consilio impiorum et in via peccatorum non stetit et in conventu derisorum non sedit,
Nova Vulgata 1,2sed in lege Domini voluntas eius, et in lege eius meditatur die ac nocte.
Nova Vulgata 1,3Et erit tamquam lignum plantatum secus decursus aquarum, quod fructum suum dabit in tempore suo; et folium eius non defluet, et omnia, quaecumque faciet, prosperabuntur.
Nova Vulgata 1,4Non sic impii, non sic, sed tamquam pulvis, quem proicit ventus.
Nova Vulgata 1,5Ideo non consurgent impii in iudicio, neque peccatores in concilio iustorum.
Nova Vulgata 1,6Quoniam novit Dominus viam iustorum, et iter impiorum peribit.