Nova Vulgata3434,1Egressa est autem Dina filia, quam Lia pepererat Iacob, ut videret filias regionis illius.
Nova Vulgata34,2Quam cum vidisset Sichem filius Hemmor Hevaei principis terrae illius, adamavit eam et rapuit; et dormivit cum illa, vi opprimens illam.
Nova Vulgata34,3Et conglutinata est anima eius cum ea, et amavit puellam et locutus est ad cor eius.
Nova Vulgata34,4Dixitque ad Hemmor patrem suum: «Accipe mihi puellam hanc coniugem».
Nova Vulgata34,5Cum audisset Iacob quod violasset Dinam filiam suam, absentibus filiis et in pastu pecorum occupatis, siluit, donec redirent.
Nova Vulgata 34,6Egresso autem Hemmor patre Sichem, ut loqueretur ad Iacob,
Nova Vulgata34,7ecce filii Iacob veniebant de agro, auditoque, quod acciderat, contristati et irati sunt valde, eo quod foedam rem esset operatus in Israel et, violata filia Iacob, rem illicitam perpetrasset.
Nova Vulgata 34,8Locutus est itaque Hemmor ad eos: «Sichem filii mei adhaesit anima filiae vestrae; date eam illi uxorem,
Nova Vulgata34,9et iungamus vicissim conubia: filias vestras tradite nobis et filias nostras accipite vobis.
Nova Vulgata34,10Et habitate nobiscum; terra in potestate vestra est: manete, perambulate et possidete eam».
Nova Vulgata34,11Sed et Sichem ad patrem et ad fratres eius ait: «Inveniam gratiam coram vobis et, quaecumque statueritis, dabo.
Nova Vulgata34,12Augete mihi valde dotem et munera; libens tribuam, quod petieritis. Tantum date mihi puellam hanc uxorem».
Nova Vulgata 34,13Responderunt filii Iacob Sichem et Hemmor patri eius in dolo ob stuprum sororis:
Nova Vulgata34,14«Non possumus facere, quod petitis, dare sororem nostram homini incircumciso, opprobrium enim esset nobis.
Nova Vulgata34,15In hoc tantum valebimus acquiescere vobis: si esse volueritis similes nostri, circumcidatur in vobis omne masculini sexus;
Nova Vulgata34,16tunc dabimus et accipiemus mutuo filias nostras ac vestras et habitabimus vobiscum erimusque unus populus.
Nova Vulgata34,17Si autem circumcidi nolueritis, tollemus filiam nostram et recedemus».
Nova Vulgata 34,18Placuit oblatio eorum Hemmor et Sichem filio eius,
Nova Vulgata34,19nec distulit adulescens quin statim, quod petebatur, expleret; amabat enim filiam Iacob valde, et ipse erat inclitus in omni domo patris sui.
Nova Vulgata 34,20Ingressique portam urbis, Hemmor et Sichem filius eius locuti sunt ad viros civitatis suae:
Nova Vulgata34,21«Viri isti pacifici sunt erga nos; maneant in terra et perambulent eam, quae spatiosa et lata est eis; filias eorum accipiemus uxores et nostras illis dabimus.
Nova Vulgata34,22Tantum in hoc valebunt viri acquiescere nobis, ut maneant nobiscum et efficiamur unus populus, si circumcidamus masculos nostros ritum gentis imitantes;
Nova Vulgata34,23et pecora et substantia et armenta eorum nostra erunt. Tantum in hoc acquiescamus, et habitabunt nobiscum».
Nova Vulgata 34,24Assensique sunt omnes, circumcisis cunctis maribus, qui egrediebantur e porta civitatis suae.
Nova Vulgata 34,25Et ecce, die tertio, quando gravissimus vulnerum dolor est, arreptis duo filii Iacob Simeon et Levi fratres Dinae gladiis, ingressi sunt urbem securi; interfectisque omnibus masculis,
Nova Vulgata34,26Hemmor et Sichem pariter necaverunt, tollentes Dinam de domo Sichem sororem suam.
Nova Vulgata34,27Filii Iacob irruerunt super occisos, et depopulati sunt urbem in ultionem stupri.
Nova Vulgata34,28Oves eorum et armenta et asinos cunctaque, quae in civitate et in agris erant, tulerunt.
Nova Vulgata34,29Omnes opes eorum, parvulos quoque et uxores duxerunt captivas et diripuerunt omnia, quae in domibus erant.
Nova Vulgata34,30Iacob autem dixit ad Simeon et Levi: «Turbastis me et odiosum fecistis me Chananaeis et Pherezaeis habitatoribus terrae huius. Nos pauci sumus; illi congregati percutient me, et delebor ego et domus mea».
Nova Vulgata34,31Responderunt: «Numquid ut scorto abuti debuere sorore nostra?».