Nova Vulgata44 44,1Magistro chori. Filiorum Core. Maskil.
Nova Vulgata 44,2Deus, auribus nostris audivimus; patres nostri annuntiaverunt nobis opus, quod operatus es in diebus eorum, in diebus antiquis
Nova Vulgata 44,3Tu manu tua gentes depulisti et plantasti illos, afflixisti populos et dilatasti eos.
Nova Vulgata 44,4Nec enim in gladio suo possederunt terram, et brachium eorum non salvavit eos; sed dextera tua et brachium tuum et illuminatio vultus tui, quoniam complacuisti in eis.
Nova Vulgata 44,5Tu es rex meus et Deus meus, qui mandas salutes Iacob.
Nova Vulgata 44,6In te inimicos nostros proiecimus, et in nomine tuo conculcavimus insurgentes in nos.
Nova Vulgata 44,7Non enim in arcu meo sperabo, et gladius meus non salvabit me.
Nova Vulgata 44,8Tu autem salvasti nos de affligentibus nos et odientes nos confudisti.
Nova Vulgata 44,9In Deo gloriabimur tota die et in nomine tuo confitebimur in saeculum.
Nova Vulgata 44,10Nunc autem reppulisti et confudisti nos et non egredieris, Deus, cum virtutibus nostris.
Nova Vulgata 44,11Convertisti nos retrorsum coram inimicis nostris, et, qui oderunt nos, diripuerunt sibi.
Nova Vulgata 44,12Dedisti nos tamquam oves ad vescendum et in gentibus dispersisti nos.
Nova Vulgata 44,13Vendidisti populum tuum sine lucro nec ditior factus es in commutatione eorum.
Nova Vulgata 44,14Posuisti nos opprobrium vicinis nostris, subsannationem et derisum his, qui sunt in circuitu nostro.
Nova Vulgata 44,15Posuisti nos similitudinem in gentibus, commotionem capitis in populis.
Nova Vulgata 44,16Tota die verecundia mea contra me est, et confusio faciei meae cooperuit me
Nova Vulgata 44,17a voce exprobrantis et obloquentis, a facie inimici et ultoris.
Nova Vulgata 44,18Haec omnia venerunt super nos, nec obliti sumus te et inique non egimus in testamentum tuum.
Nova Vulgata 44,19Et non recessit retro cor nostrum, nec declinaverunt gressus nostri a via tua;
Nova Vulgata 44,20sed humiliasti nos in loco vulpium et operuisti nos umbra mortis.
Nova Vulgata 44,21Si obliti fuerimus nomen Dei nostri et si expanderimus manus nostras ad deum alienum,
Nova Vulgata 44,22nonne Deus requiret ista? Ipse enim novit abscondita cordis.
Nova Vulgata 44,23Quoniam propter te mortificamur tota die, aestimati sumus sicut oves occisionis.
Nova Vulgata 44,24Evigila, quare obdormis, Domine? Exsurge et ne repellas in finem.
Nova Vulgata 44,25Quare faciem tuam avertis, oblivisceris inopiae nostrae et tribulationis nostrae?
Nova Vulgata 44,26Quoniam humiliata est in pulvere anima nostra, conglutinatus est in terra venter noster. Exsurge, Domine, adiuva nos et redime nos propter misericordiam tuam.
