Nova Vulgata55,1Locutusque est Dominus ad Moysen dicens:
Nova Vulgata5,2«Praecipe filiis Israel, ut eiciant de castris omnem leprosum et qui semine fluit pollutusque est super mortuo.
Nova Vulgata5,3Tam masculum quam feminam eicite de castris, ne contaminent ea, cum habitaverim cum eis».
Nova Vulgata5,4Feceruntque ita filii Israel et eiecerunt eos extra castra, sicut locutus erat Dominus Moysi.
Nova Vulgata 5,5Locutusque est Dominus ad Moysen dicens:
Nova Vulgata5,6«Loquere ad filios Israel: Vir sive mulier, cum fecerint ex omnibus peccatis, quae solent hominibus accidere, et fraude transgressi fuerint mandatum Domini, ille homo reus erit;
Nova Vulgata5,7et confitebuntur peccatum suum et reddent ipsum caput quintamque partem desuper ei, in quem peccaverint.
Nova Vulgata5,8Sin autem non fuerit qui recipiat, dabunt Domino, et erit sacerdotis, praeter arietem, qui offertur pro expiatione, ut sit placabilis hostia.
Nova Vulgata 5,9Omnis quoque praelibatio rerum sacrarum, quas offerunt filii Israel, ad sacerdotem pertinet;
Nova Vulgata5,10et, quidquid in sanctuarium offertur a singulis et traditur manibus sacerdotis, ipsius erit».
Nova Vulgata 5,11Locutusque est Dominus ad Moysen dicens:
Nova Vulgata5,12«Loquere ad filios Israel et dices ad eos: Vir, cuius uxor erraverit maritumque decipiens
Nova Vulgata5,13dormierit cum altero viro, et hoc maritus deprehendere non quiverit, sed latet quod impuram se reddiderit et testibus argui non potest, quia non est inventa in stupro,
Nova Vulgata5,14si spiritus zelotypiae concitaverit virum contra uxorem suam, quae vel polluta est vel falsa suspicione appetitur,
Nova Vulgata5,15adducet eam ad sacerdotem et offeret oblationem pro illa decimam partem ephi farinae hordeaceae. Non fundet super eam oleum nec imponet tus, quia sacrificium zelotypiae est et oblatio investigans adulterium.
Nova Vulgata 5,16Afferet igitur eam sacerdos et statuet coram Domino;
Nova Vulgata5,17assumetque aquam sanctam in vase fictili et pauxillum terrae de pavimento habitaculi mittet in eam.
Nova Vulgata5,18Cumque posuerit sacerdos mulierem in conspectu Domini, discooperiet caput eius et ponet super manus illius sacrificium recordationis, oblationem zelotypiae; ipse autem tenebit aquas amarissimas, in quibus cum exsecratione maledicta congessit.
Nova Vulgata5,19Adiurabitque eam et dicet: “Si non dormivit vir alienus tecum, et si non declinasti a viro tuo et non polluta es, deserto mariti toro, non te nocebunt aquae istae amarissimae, in quas maledicta congessi.
Nova Vulgata5,20Sin autem declinasti a viro tuo atque polluta es et concubuisti cum altero viro”,
Nova Vulgata5,21adiurabit eam sacerdos iuramento maledictionis: “Det te Dominus in maledictionem, iuramentum in medio populi tui; putrescere faciat femur tuum, et tumens uterus tuus disrumpatur;
Nova Vulgata5,22ingrediantur aquae maledictae in ventrem tuum, et utero tumescente putrescat femur!”. Et respondebit mulier: “Amen, amen”.
Nova Vulgata 5,23Scribetque sacerdos in libello ista maledicta et delebit ea aquis amarissimis
Nova Vulgata5,24et dabit ei bibere aquas amaras, in quas maledicta congessit, et ingredientur in eam aquae maledictionis, quae amarae fient;
Nova Vulgata5,25tollet sacerdos de manu eius sacrificium zelotypiae et agitabit illud coram Domino imponetque illud super altare;
Nova Vulgata5,26pugillum sacrificii tollat de eo, quod offertur in memoriale, et incendat super altare; et deinde potum det mulieri aquas amarissimas.
Nova Vulgata5,27Quas cum biberit, si polluta est et, contempto viro, adulterii rea, pertransibunt eam aquae maledictionis et, inflato ventre, computrescet femur; eritque mulier in maledictionem omni populo eius.
Nova Vulgata5,28Quod si polluta non fuerit sed munda, erit innoxia et faciet liberos».
Nova Vulgata 5,29Ista est lex zelotypiae, si declinaverit mulier a viro suo et si polluta fuerit,
Nova Vulgata5,30maritusque zelotypiae spiritu concitatus adduxerit eam in conspectu Domini, et fecerit ei sacerdos iuxta omnia, quae scripta sunt;
Nova Vulgata5,31maritus absque culpa erit, et illa recipiet iniquitatem suam.