Nova Vulgata44Laus patrum. Laudemus viros gloriosos et parentes nostros in generatione sua.
La: 6b. 16 addit in paradisum
Nova Vulgata 44,2Multam gloriam fecit Dominus, magnificentiam suam a saeculo.
Nova Vulgata 44,3Dominantes in potestatibus suis, homines magni virtute et prudentia sua praediti, nuntiantes in prophetiis,
Nova Vulgata 44,4regentes populum in consiliis et peritia scripturae populos; verba sapientiae in disciplina eorum,
Nova Vulgata 44,5requirentes modos musicos et narrantes carmina scripturarum;
Nova Vulgata homines divites innixi virtute, pulchritudinis studium habentes, pacificantes in domibus suis.
6Gr: «homines divites impendentes (secundum) suam substantiam»; Syr et H: «homines divites, innitentes super virtutem»
Nova Vulgata 44,7Omnes isti in generationibus gentis suae gloriam adepti sunt et a diebus suis habentur in laudibus.
Nova Vulgata 44,8De illis nati sunt, qui reliquerunt nomen narrandi laudes eorum.
Nova Vulgata 44,9Et sunt quorum non est memoria: perierunt quasi qui non fuerint; et nati sunt quasi non nati, et filii ipsorum post ipsos.
Nova Vulgata 44,10Sed hi viri misericordiae sunt, quorum pietates non fuerunt in oblivione.
Nova Vulgata 44,11Cum semine eorum permanent, bona hereditas, nepotes eorum,
Nova Vulgata 44,12et in testamentis stetit semen eorum;
Nova Vulgata 44,13et filii eorum propter illos. Usque in aeternum manet semen eorum, et gloria eorum non derelinquetur.
Nova Vulgata 44,14Corpora ipsorum in pace sepulta sunt, et nomen eorum vivit in generationem et generationem;
Nova Vulgata 44,15sapientiam ipsorum narrent populi, et laudem eorum nuntiet ecclesia.
Nova Vulgata 44,16Henoch placuit Deo et translatus est in paradisum, ut det gentibus paenitentiam.
Nova Vulgata 44,17Noe inventus est perfectus iustus et in tempore iracundiae factus est reconciliatio;
Nova Vulgata 44,18propter eum dimissum est reliquum terrae, cum factum est diluvium:
Nova Vulgata 44,19testamenta saeculi posita sunt apud illum, ne deleri posset diluvio omnis caro.
Nova Vulgata 44,20Abraham magnus pater multitudinis gentium, et non est inventa macula in gloria eius; qui conservavit legem Excelsi et fuit in testamento cum illo.
Nova Vulgata 44,21In carne eius stare fecit testamentum, et in tentatione inventus est fidelis.
Nova Vulgata 44,22Ideo iure iurando statuit illi benedici gentes in semine eius, crescere illum quasi terrae cumulum
Nova Vulgata 44,23et ut stellas exaltare semen eius et hereditare illos a mari usque ad mare et a Flumine usque ad terminos terrae.
Nova Vulgata 44,24Et in Isaac eodem modo statuit propter Abraham patrem eius.
Nova Vulgata 44,25Benedictionem omnium gentium dedit illi Dominus et testamentum confirmavit super caput Iacob.
Nova Vulgata 44,26Agnovit eum in benedictionibus suis et dedit illi hereditatem et divisit illi partem in tribubus duodecim.
Nova Vulgata 44,27Et eduxit ex illo hominem misericordiae invenientem gratiam in oculis omnis carnis,
