Nova Vulgata44,1Locutusque est Dominus ad Moysen et Aaron dicens:
Nova Vulgata4,2«Tolle summam filiorum Caath de medio Levitarum per familias et domos suas
Nova Vulgata4,3a tricesimo anno et supra usque ad quinquagesimum annum omnium, qui ingrediuntur, ut stent et ministrent in tabernaculo conventus.
Nova Vulgata 4,4Hic est cultus filiorum Caath in tabernaculo conventus: sanctum sanctorum.
Nova Vulgata4,5Ingredientur Aaron et filii eius, quando movenda sunt castra, et deponent velum, quod pendet ante fores, involventque eo arcam testimonii;
Nova Vulgata4,6et operient rursum velamine pellium delphini extendentque desuper pallium totum hyacinthinum et inducent vectes.
Nova Vulgata4,7Mensam quoque propositionis involvent hyacinthino pallio et ponent cum ea acetabula et phialas, cyathos et crateras ad liba fundenda; panes semper in ea erunt.
Nova Vulgata4,8Extendentque desuper pallium coccineum, quod rursum operient velamento pellium delphini et inducent vectes.
Nova Vulgata4,9Sument et pallium hyacinthinum, quo operient candelabrum cum lucernis et forcipibus suis et emunctoriis et cunctis vasis olei, quae ad concinnandas lucernas necessaria sunt;
Nova Vulgata4,10et super omnia ponent operimentum pellium delphini et ponent super feretrum.
Nova Vulgata4,11Nec non et altare aureum involvent hyacinthino vestimento et extendent desuper operimentum pellium delphini et inducent vectes.
Nova Vulgata4,12Omnia vasa, quibus ministratur in sanctuario, involvent hyacinthino pallio; et extendent desuper operimentum pellium delphini ponentque super feretrum.
Nova Vulgata4,13Sed et altare mundabunt cinere et involvent illud purpureo vestimento;
Nova Vulgata4,14ponentque super illud omnia vasa, quibus in ministerio eius utuntur, id est ignium receptacula, fuscinulas ac vatilla et pateras. Cuncta vasa altaris operient simul velamine pellium delphini et inducent vectes.
Nova Vulgata4,15Cumque involverint Aaron et filii eius sanctuarium et omnia vasa eius in commotione castrorum, tunc intrabunt filii Caath, ut portent involuta, et non tangent sanctuarium, ne moriantur. Ista sunt onera filiorum Caath in tabernaculo conventus.
Nova Vulgata4,16Ad curam Eleazari filii Aaron sacerdotis pertinet oleum ad concinnandas lucernas et gratissimum incensum et oblatio, quae semper offertur, et oleum unctionis et quidquid ad cultum habitaculi pertinet omniumque vasorum, quae in sanctuario sunt».
Nova Vulgata 4,17Locutusque est Dominus ad Moysen et Aaron dicens:
Nova Vulgata4,18«Nolite perdere populum Caath de medio Levitarum,
Nova Vulgata4,19sed hoc facite eis, ut vivant et non moriantur, quando appropinquant ad sancta sanctorum: Aaron et filii eius intrabunt ipsique disponent opera singulorum et divident quid portare quis debeat.
Nova Vulgata4,20Non intrabunt ad videndum, nec puncto quidem, sanctuarium; alioquin morientur».
Nova Vulgata 4,21Locutusque est Dominus ad Moysen dicens:
Nova Vulgata4,22«Tolle summam etiam filiorum Gerson per domos ac familias et cognationes suas;
Nova Vulgata4,23a triginta annis et supra usque ad annos quinquaginta numera omnes, qui ingrediuntur et ministrant in tabernaculo conventus.
Nova Vulgata 4,24Hoc est officium familiarum Gersonitarum,
Nova Vulgata4,25ut portent cortinas habitaculi, tabernaculum conventus, operimentum eius et super illud velamen delphini velumque, quod pendet in introitu tabernaculi conventus,
Nova Vulgata4,26cortinas atrii et velum in introitu atrii, quod est circa habitaculum et altare, funiculos et vasa ministerii, omnia, quae facta sunt, ut eis laborent.
Nova Vulgata4,27Iubente Aaron et filiis eius, portabunt filii Gerson, et scient singuli cui debeant oneri mancipari.
Nova Vulgata4,28Hic est cultus familiarum Gersonitarum in tabernaculo conventus; eruntque sub manu Ithamar filii Aaron sacerdotis.
Nova Vulgata 4,29Filios quoque Merari per familias et domos patrum suorum recensebis
Nova Vulgata4,30a triginta annis et supra usque ad annos quinquaginta, omnes, qui ingrediuntur ad officium ministerii sui et cultum tabernaculi conventus.
Nova Vulgata 4,31Haec sunt onera eorum: portabunt tabulas habitaculi et vectes eius, columnas ac bases earum,
Nova Vulgata4,32columnas quoque atrii per circuitum cum basibus et paxillis et funibus suis; omnia vasa et supellectilem ad numerum accipient sicque portabunt.
Nova Vulgata4,33Hoc est officium familiarum Meraritarum et ministerium in tabernaculo conventus; eruntque sub manu Ithamar filii Aaron sacerdotis».
Nova Vulgata 4,34Recensuerunt igitur Moyses et Aaron et principes synagogae filios Caath per cognationes et domos patrum suorum
Nova Vulgata4,35a triginta annis et supra usque ad annum quinquagesimum, omnes, qui ingrediuntur ad ministerium tabernaculi conventus;
Nova Vulgata4,36et inventi sunt duo milia septingenti quinquaginta.
Nova Vulgata4,37Hic est numerus familiarum Caath, qui ministrant in tabernaculo conventus: hos numeravit Moyses et Aaron iuxta sermonem Domini per manum Moysi.
Nova Vulgata 4,38Numerati sunt et filii Gerson per cognationes et domos patrum suorum
Nova Vulgata4,39a triginta annis et supra usque ad quinquagesimum annum, omnes, qui ingrediuntur, ut ministrent in tabernaculo conventus;
Nova Vulgata4,40et inventi sunt secundum familias et domus patrum suorum duo milia sescenti triginta.
Nova Vulgata4,41Hic est numerus Gersonitarum, omnes, qui ministrant in tabernaculo conventus, quos numeraverunt Moy ses et Aaron iuxta verbum Domini.
Nova Vulgata 4,42Numeratae sunt et familiae filiorum Merari per cognationes et domos patrum suorum
Nova Vulgata4,43a triginta annis et supra usque ad annum quinquagesimum, omnes, qui ingrediuntur ad explendos ritus tabernaculi conventus;
Nova Vulgata4,44et inventi sunt tria milia ducenti.
Nova Vulgata4,45Hic est numerus familiarum filiorum Merari, quos recensuerunt Moyses et Aaron iuxta imperium Domini per manum Moysi.
Nova Vulgata 4,46Omnes, qui recensiti sunt de Levitis et quos recenseri fecit ad nomen Moyses et Aaron et principes Israel per cognationes et domos patrum suorum
Nova Vulgata4,47a triginta annis et supra usque ad annum quinquagesimum ingredientes ad ministerium tabernaculi et onera portanda in tabernaculo conventus,
Nova Vulgata4,48fuerunt simul octo milia quingenti octoginta.
Nova VulgataIuxta verbum Domini per manum Moysi recensuit eos unumquemque iuxta officium et onera sua, sicut praeceperat ei Dominus.
49Per manum Moysi - Transpone post «Iuxta verbum Domini» (cfr. vv. 37.45) Sicut - Lege cum Gr, Syr Targ et Vg ka’āšer; TM «quod»
