Nova Vulgata55 55,1Magistro chori. Fidibus. Maskil. David.
Nova Vulgata 55,2Auribus percipe, Deus, orationem meam et ne abscondaris a deprecatione mea;
Nova Vulgata 55,3intende mihi et exaudi me. Excussus sum in meditatione mea et conturbatus sum
Nova Vulgata 55,4a voce inimici et a tribulatione peccatoris.
Quoniam devolverunt in me iniquitatem et in ira molesti erant mihi.
Nova Vulgata 55,5Cor meum torquetur intra me, et formido mortis cecidit super me.
Nova Vulgata 55,6Timor et tremor venerunt super me, et contexit me pavor.
Nova Vulgata 55,7Et dixi: «Quis dabit mihi pennas sicut columbae, et volabo et requiescam?
Nova Vulgata 55,8Ecce elongabo fugiens et manebo in solitudine.
Nova Vulgata 55,9Exspectabo eum, qui salvum me faciat a spiritu procellae et tempestate».
Nova Vulgata 55,10Dissipa, Domine, divide linguas eorum, quoniam vidi violentiam et contentionem in civitate.
Nova Vulgata 55,11Die ac nocte circumeunt eam super muros eius,
Nova Vulgata 55,12iniquitas et labor et insidiae in medio eius; et non defecit de plateis eius fraudulentia et dolus.
Nova Vulgata 55,13Quoniam si inimicus meus maledixisset mihi, sustinuissem utique; et si is qui oderat me, super me magnificatus fuisset, abscondissem me forsitan ab eo.
Nova Vulgata 55,14Tu vero, homo coaequalis meus, familiaris meus et notus meus,
Nova Vulgata 55,15qui simul habuimus dulce consortium: in domo Dei ambulavimus in concursu.
Nova Vulgata 55,16Veniat mors super illos, et descendant in infernum viventes, quoniam nequitiae in habitaculis eorum, in medio eorum.
Nova Vulgata 55,17Ego autem ad Deum clamabo, et Dominus salvabit me.
Nova Vulgata 55,18Vespere et mane et meridie meditabor et ingemiscam, et exaudiet vocem meam.
Nova Vulgata 55,19Redimet in pace animam meam ab his, qui impugnant me, quoniam in multis sunt adversum me.
Nova Vulgata 55,20Exaudiet Deus et humiliabit illos, qui est ante saecula.
Non enim est illis commutatio, et non timuerunt Deum.
Nova Vulgata 55,21Extendit manum suam in socios; contaminavit foedus suum.
Nova Vulgata 55,22Lene super butyrum est os eius, pugna autem cor illius: molliti sunt sermones eius super oleum, et ipsi sunt gladii destricti.
Nova Vulgata 55,23Iacta super Dominum curam tuam, et ipse te enutriet; non dabit in aeternum fluctuationem iusto.
Nova Vulgata 55,24Tu vero, Deus, deduces eos in puteum interitus. Viri sanguinum et dolosi non dimidiabunt dies suos; ego autem sperabo in te, Domine.
