Nova Vulgata30De filiis. Qui diligit filium suum, assi duat illi flagella, ut laetetur in novissimo suo.
La: 20 b. 23b
Nova Vulgata 30,2Qui docet filium suum, fructum habebit in illo et in medio domesticorum in illo gloriabitur.
Nova Vulgata 30,3Qui docet filium suum, in zelum mittet inimicum et in medio amicorum gloriabitur in illo.
Nova Vulgata 30,4Mortuus est pater eius et quasi non est mortuus: similem enim reliquit sibi post se.
Nova Vulgata 30,5In vita sua vidit et laetatus est in illo, in obitu suo non est contristatus. Nec confusus est coram inimicis:
Nova Vulgata 30,6reliquit enim defensorem domus contra inimicos et amicis reddentem gratiam.
Nova Vulgata 30,7Qui blanditur filio, colligabit vulnera eius, et super omnem vocem turbabuntur viscera sua.
Nova Vulgata 30,8Equus indomitus evadit durus, et filius remissus evadet praeceps.
Nova Vulgata 30,9Lacta filium, et paventem te faciet; lude cum eo, et contristabit te.
Nova Vulgata 30,10Non corrideas illi, ne doleas, et in novissimo obstupescent dentes tui.
Nova Vulgata 30,11Non des illi potestatem in iuventute et ne despicias errata illius.
Nova Vulgata 30,12Curva cervicem eius in iuventute et tunde latera eius, dum infans est, ne forte induret et non credat tibi, et erit tibi ab illo dolor animae.
Nova Vulgata 30,13Doce filium tuum et operare in illo, ne in turpitudinem illius offendas.
Nova Vulgata 30,14Melior est pauper sanus et fortis viribus quam dives imbecillis et flagellatus in carne sua.
Nova Vulgata 30,15Salus carnis melior est omni auro et argento, et spiritus validus quam census immensus.
Nova Vulgata 30,16Non est census super censum salutis corporis, et non est oblectatio super cordis gaudium.
Nova Vulgata 30,17Melior est mors quam vita amara, et requies aeterna quam languor perseverans.
Nova Vulgata 30,18Bona effusa in ore clauso quasi appositiones epularum circumpositae sepulcro.
Nova Vulgata 30,19Quid proderit libatio idolo? Nec enim manducabit nec odorabitur:
Nova Vulgata 30,20sic qui effugatur a Domino portans mercedes iniquitatis,
Nova Vulgata 30,21videns oculis et ingemiscens sicut spado complectens virginem et suspirans.
Nova Vulgata 30,22Tristitiam non des animae tuae et non affligas temetipsum in consilio tuo.
Nova Vulgata 30,23Iucunditas cordis haec est vita hominis et thesaurus sine defectione sanctitatis, et exsultatio viri est longaevitas.
Nova Vulgata 30,24Indulge animae tuae et consolare cor tuum et tristitiam longe repelle a te.
Nova Vulgata 30,25Multos enim occidit tristitia, et non est utilitas in illa;
Nova Vulgata 30,26zelus et iracundia minuunt dies, et ante tempus senectam adducet cogitatus
Nova Vulgata 30,27Splendidum cor et bonum in epulis est; epulae enim illius diligenter fiunt.
