Nova Vulgata1818,1Congregatique sunt omnes filii Israel in Silo ibique fixerunt tabernaculum conventus, et fuit eis terra subiecta.
Nova Vulgata18,2Remanserant autem filiorum Israel septem tribus, quae necdum acceperant possessiones suas.
Nova Vulgata18,3Ad quos Iosue ait: «Usquequo marcetis ignavia et non intratis ad possidendam terram, quam Dominus, Deus patrum vestrorum,dedit vobis?
Nova Vulgata18,4Eligite de singulis tribubus ternos viros, ut mittam eos, et surgant atque circumeant terram et describant eam iuxta numerum uniuscuiusque multitudinis referantque ad me, quod descripserint.
Nova Vulgata18,5Dividite vobis terram in septem partes: Iudas sit in terminis suis in australi plaga, et domus Ioseph in aquilone.
Nova Vulgata18,6Reliquam terram in septem partes describite; et huc afferetis ad me, ut coram Domino Deo nostro mittam vobis hic sortem,
Nova Vulgata18,7quia non est inter vos pars Levitarum, sed sacerdotium Domini est eorum hereditas. Gad autem et Ruben et dimidia tribus Manasse iam acceperant possessiones suas trans Iordanem ad orientalem plagam, quas dedit eis Moyses famulus Domini».
Nova Vulgata 18,8Cumque surrexissent viri, ut pergerent ad describendam terram, praecepit eis Iosue dicens: «Circuite terram et describite eam ac revertimini ad me, ut hic coram Domino in Silo mittam vobis sortem».
Nova Vulgata18,9Itaque perrexerunt et lustrantes terram secundum urbes in septem partes diviserunt scribentes in volumine; reversique sunt ad Iosue in castra Silo.
Nova Vulgata18,10Qui misit eis sortes coram Domino in Silo divisitque ibi terram filiis Israel secundum partes eorum.
Nova Vulgata 18,11Et ascendit sors prima filiorum Beniamin per familias suas, ut possiderent terram inter filios Iudae et filios Ioseph.
Nova Vulgata18,12Fuitque terminus eorum contra aquilonem a Iordane pergens iuxta latus Iericho septentrionalis plagae et inde contra occidentem ad montana conscendens et perveniens in solitudinem Bethaven;
Nova Vulgata18,13atque pertransiens iuxta Luzam ad meridiem — ipsa est Bethel — descendit in Atarothaddar in montem, qui est ad meridiem Bethoron inferioris,
Nova Vulgata18,14et inclinatur vergens contra mare ad meridiem a monte, qui respicit Bethoron contra meridiem; suntque exitus eius in Cariathbaal, quae vocatur et Cariathiarim, urbem filiorum Iudae. Haec est plaga ad occidentem.
Nova VulgataIn plaga autem ad meridiem, ex parte Cariathiarim egreditur terminus in Gasim et pervenit usque ad fontem aquarum Nephtoa
15In Gasim - Lege cum Gr gāsîm (vel: jāsîm?); TM jāmmāh (ad mare = ad occidentem!)
Nova Vulgata18,16descenditque in extremam partem montis, qui respicit vallem Benennom et est contra septentrionalem plagam in extrema parte vallis Raphaim; descenditque in vallem Ennom, iuxta latus Iebusaei ad austrum, et pervenit ad fontem Rogel
Nova Vulgata18,17transiens ad aquilonem et egrediens ad Ensemes (id est fontem Solis). Et pertransit usque ad Galiloth (hi sunt circuli), qui sunt e regione ascensus Adommim, descenditque ad Abenboen (id est lapidem Boen) filii Ruben
Nova Vulgataet pertransit ex latere aquilonis Betharaba descenditque in Arabam.
18Betharaba - Lege cum Gr bêt-hā‛ărābāh (cfr. 15,6); TM «e regione Arabae»
Nova Vulgata18,19Et praetergreditur contra aquilonem Bethagla; suntque exitus eius contra linguam maris Salsissimi ab aquilone in fine Iordanis. Haec est australis plaga.
Nova Vulgata18,20Iordanis autem est terminus ab oriente. Haec est possessio filiorum Beniamin per terminos suos in circuitu secundum familias suas.
Nova Vulgata 18,21Fueruntque civitates eius: Iericho et Bethagla et Ameccasis
Nova Vulgata18,22et Betharaba et Semaraim et Bethel
Nova Vulgata18,23et Avim et Phara et Ophra,
Nova Vulgata18,24Capharemona et Ophni et Gabaa: civitates duodecim et villae earum.
Nova Vulgata18,25Gabaon et Rama et Beroth
Nova Vulgata18,26et Maspha et Cephira et Mosa
Nova Vulgata18,27et Recem, Iaraphel et Tharala
Nova Vulgata18,28et Sela, Eleph et Iebus, quae est Ierusalem, Gabaath et Cariath: civitates quattuordecim et villae earum. Haec est possessio filiorum Beniamin iuxta familias suas.