Nova Vulgata4646,1Profectusque Israel cum omnibus, quae habebat, venit Bersabee et, mactatis ibi victimis Deo patris sui Isaac,
Nova Vulgataaudivit eum per visionem noctis vocantem se: «Iacob, Iacob!». Cui respondit: «Ecce adsum!».
2Per visionem - Lege cum Sam, Gr, Syr, Targ et Vg bemar’at; TM «in visionibus»
Nova Vulgata46,3Ait illi: «Ego sum Deus, Deus patris tui. Noli timere descendere in Aegyptum, quia in gentem magnam faciam te ibi.
Nova Vulgata46,4Ego descendam tecum illuc et ego inde adducam te revertentem; Ioseph quoque ponet manus suas super oculos tuos».
Nova Vulgata 46,5Surrexit igitur Iacob a Bersabee, tuleruntque eum filii cum parvulis et uxoribus suis in plaustris, quae miserat pharao ad portandum senem,
Nova Vulgata46,6sumpserunt quoque omnia, quae possederant in terra Chanaan; veneruntque in Aegyptum Iacob et omne semen eius,
Nova Vulgata46,7filii eius et nepotes, filiae et cuncta simul progenies.
Nova Vulgata 46,8Haec sunt autem nomina filiorum Israel, qui ingressi sunt in Aegyptum, ipse cum liberis suis. Primogenitus Ruben.
Nova Vulgata46,9Filii Ruben: Henoch et Phallu et Hesron et Charmi.
Nova Vulgata 46,10Filii Simeon: Iamuel et Iamin et Ahod et Iachin et Sohar et Saul filius Chananitidis.
Nova Vulgata 46,11Filii Levi: Gerson et Caath et Merari.
Nova Vulgata 46,12Filii Iudae: Her et Onan et Sela et Phares et Zara. Mortui sunt autem Her et Onan in terra Chanaan. Natique sunt filii Phares: Esrom et Hamul.
Nova Vulgata Filii Issachar: Thola et Phua et Iasub et Semron.
13Et Iasub - Lege cum Sam et Gr wejāšûb (= Nm 26,24; 1 Par 7,1); Tm wejôb
Nova Vulgata 46,14Filii Zabulon: Sared et Elon et Iahelel.
Nova Vulgata 46,15Hi filii Liae, quos genuit in Paddanaram, cum Dina filia sua. Omnes animae filiorum eius et filiarum triginta tres.
Nova Vulgata Filii Gad: Sephon et Haggi, Suni et Esebon, Heri et Arodi et Areli.
16Sephon - Lege cum Sam et Gr ṣephôn (= Nm 26,15); Tm siphjôn
Nova Vulgata 46,17Filii Aser: Iemna et lesua et Isui et Beria, Sara quoque soror eorum. Filii Beria: Heber et Melchiel.
Nova Vulgata 46,18Hi filii Zelphae, quam dedit Laban Liae filiae suae; et hos genuit Iacob: sedecim animas.
Nova Vulgata 46,19Filii Rachel uxoris Iacob: Ioseph et Beniamin.
Nova Vulgata46,20Natique sunt Ioseph filii in terra Aegypti, quos genuit ei Aseneth filia Putiphare sacerdotis Heliopoleos: Manasses et Ephraim.
Nova Vulgata 46,21Filii Beniamin: Bela et Bochor et Asbel, Gera et Naaman et Echi et Ros, Mophim et Huphim et Ared.
Nova Vulgata 46,22Hi filii Rachel, quos genuit Iacob: omnes animae quattuordecim.
Nova Vulgata 46,23Filii Dan: Husim.
Nova Vulgata 46,24Filii Nephthali: Iasiel et Guni et Ieser et Sellem.
Nova Vulgata 46,25Hi filii Bilhae, quam dedit Laban Racheli filiae suae; et hos genuit Iacob: omnes animae septem.
Nova Vulgata 46,26Cunctae animae, quae ingressae sunt cum Iacob in Aegyptum et egressae de femore illius, absque uxoribus filiorum eius, sexaginta sex.
Nova Vulgata46,27Filii autem Ioseph, qui nati sunt ei in terra Aegypti, animae duae. Omnes animae domus Iacob, quae ingressae sunt in Aegyptum, fuere septuaginta.
Nova Vulgata Misit autem Iudam ante se ad Ioseph, ut nuntiaret et occurreret in Gessen.
28Ut nuntiaret et occurreret - Lege cum Sam et Syr lehērā’ôt (cfr. Gr «ut occurreret»); TM «ut instructionem daret»
Nova Vulgata46,29Et venerunt in terram Gessen. Iunctoque Ioseph curru suo, ascendit obviam patri suo in Gessen; vidensque eum irruit super collum eius et inter amplexus diu flevit.
Nova Vulgata46,30Dixitque Israel ad Ioseph: «Iam laetus moriar, quia vidi faciem tuam et superstitem te relinquo».
Nova Vulgata 46,31Et ille locutus est ad fratres suos et ad omnem domum patris sui: «Ascendam et nuntiabo pharaoni dicamque ei: Fratres mei et domus patris mei, qui erant in terra Chanaan, venerunt ad me.
Nova Vulgata46,32Et sunt viri pastores ovium curamque habent alendorum gregum; pecora sua et armenta et omnia, quae habere potuerunt, adduxerunt secum.
Nova Vulgata46,33Cumque vocaverit vos et dixerit: “Quod est opus vestrum?”.
Nova Vulgata46,34Respondebitis: “Viri pastores sumus servi tui ab infantia nostra usque in praesens et nos et patres nostri”. Haec autem dicetis, ut habitare possitis in terra Gessen, quia detestantur Aegyptii omnes pastores ovium».