Nova Vulgata1Omnis sapientia a Domino Deo est et cum illo fuit semper et est ante aevum.
La: 3.9 in spiritu sancto. 15b. 17. 18 .26 Gr II: 5. 7. 23. 27
Nova Vulgata 1,2Arenam maris et pluviae guttas et dies saeculi quis dinumeravit? Altitudinem caeli et latitudinem terrae et profundum abyssi quis mensus est?
Nova Vulgata 1,3Sapientiam Dei praecedentem omnia quis investigavit?
Nova Vulgata 1,4Prior omnium creata est sapientia, et intellectus prudentiae ab aevo.
Nova Vulgata 1,5Fons sapientiae verbum Dei in excelsis, et ingressus illius mandata aeterna.
Nova Vulgata 1,6Radix sapientiae cui revelata est? Et astutias illius quis agnovit?
Nova Vulgata 1,7Disciplina sapientiae cui revelata est et manifestata? Et multiplicem peritiam illius quis intellexit?
Nova Vulgata 1,8Unus est Altissimus, creator omnipotens et rex potens et metuendus nimis, sedens super thronum suum et dominans, Deus.
Nova Vulgata 1,9Ipse creavit illam in spiritu sancto et vidit et dinumeravit et mensus est;
Nova Vulgata 1,10et effudit illam super omnia opera sua et super omnem carnem secundum largitatem suam et praebuit illam diligentibus se.
Nova Vulgata 1,11Timor Domini gloria et gloriatio et laetitia et corona exsultationis.
Nova Vulgata 1,12Timor Domini delectabit cor et dabit laetitiam et gaudium et longitudinem dierum.
Nova Vulgata 1,13Timenti Dominum bene erit in extremis, et in die defunctionis suae benedicetur.
Nova Vulgata 1,14Dilectio Dei honorabilis sapientia;
Nova Vulgata 1,15quibus autem apparuerit, dispertit eam in visionem sui ipsius et in agnitione magnalium suorum.
Nova Vulgata 1,16Initium sapientiae timor Domini, et cum fidelibus in vulva concreata est; cum hominibus veritatis ab aevo fundata est et semini eorum se credet.
Nova Vulgata 1,17Timor Domini scientiae religiositas;
Nova Vulgata 1,18religiositas custodiet et iustificabit cor, iucunditatem atque gaudium dabit.(19)
Nova Vulgata 1,20Plenitudo sapientiae est timere Deum; et inebriat eos fructibus suis.
Nova Vulgata 1,21Omnem domum illius implebit rebus pretiosis et receptacula thesauris illius.
Nova Vulgata 1,22Corona sapientiae timor Domini, repollens pacem et salutis fructum:
Nova Vulgata 1,23utraque autem sunt dona Dei.
Nova Vulgata 1,24Scientiam et intellectum prudentiae sapientia effundit quasi pluviam; et gloriam tenentium se exaltat.
Nova Vulgata 1,25Radix sapientiae est timere Dominum, et rami illius longaevi.
Nova Vulgata 1,26In thesauris sapientiae intellectus et scientiae religiositas; exsecratio autem peccatoribus sapientia.
Nova Vulgata 1,27Timor Domini expellit peccatum; cum autem adsit, omnem avertit iram.
Nova Vulgata 1,28Nam, qui sine timore est, non poterit iustificari; iracundia enim animositatis illius subversio illi erit.
Nova Vulgata 1,29Usque in tempus sustinebit patiens, et postea erit redditio iucunditatis.
Nova Vulgata 1,30Bonus sensus usque in tempus abscondet verba illius, et labia multorum enarrabunt sensum illius.
Nova Vulgata 1,31In thesauris sapientiae parabola disciplinae;
Nova Vulgata 1,32exsecratio autem peccatori cultura Dei.
Nova Vulgata 1,33Fili, concupiscens sapientiam conserva iustitiam, et Deus praebebit illam tibi.
Nova Vulgata 1,34Sapientia enim et disciplina timor Domini, et quod beneplacitum est illi,
Nova Vulgata1,35fides et mansuetudo.
Nova Vulgata 1,36Ne sis incredibilis timori Domini et ne accesseris ad illum duplici corde.
Nova Vulgata 1,37Ne fueris hypocrita in conspectu hominum et cave a labiis tuis.
Nova Vulgata 1,38Ne extollas teipsum, ne forte cadas et adducas animae tuae inhonorationem,
Nova Vulgata 1,39et revelet Deus absconsa tua et in medio synagogae elidat te;
Nova Vulgata 1,40quoniam accessisti maligne ad timorem Domini, et cor tuum plenum est dolo et fallacia.
