Nova Vulgata11,1Visio Abdiae. Haec dicit Dominus Deus ad Edom. Auditum audivimus a Domino, et legatus ad gentes missus est: «Surgite, et consurgamus adversus eum in proelium!».
Nova Vulgata 1,2«Ecce parvulum te dabo in gentibus, contemptibilis tu es valde.
Nova Vulgata Superbia cordis tui decepit te habitantem in scissuris petrae, exaltantem solium suum; qui dicit in corde suo: “Quis detrahet me in terram?”.
3Exaltantem – Lege cum Gr et Vg mērîm; TM «altitudo»
Nova Vulgata Si exaltatus fueris ut aquila et si inter sidera posueris nidum tuum, inde detraham te», dicit Dominus.
4Posueris – Lege cum Gr, Syr et Targ tāśîm; TM «posuit»
Nova Vulgata 1,5Si fures introissent ad te, si latrones per noctem, quomodo periisses! Nonne furati essent sufficientia sibi? Si vindemiatores introissent ad te, nonne racemos tantum reliquissent?
Nova Vulgata 1,6Quomodo scrutati sunt Esau? Investigaverunt abscondita eius.
Nova Vulgata Usque ad terminum eiecerunt te, omnes viri foederis tui deceperunt te, invaluerunt adversum te viri pacis tuae; qui comedunt tecum, ponent insidias subter te. Non est prudentia in eo.
7Qui comedunt tecum – Lege cum Targ et Vg lōḥămēkā; TM «panem tuum»
Nova Vulgata 1,8«Numquid non in die illa, dicit Dominus, perdam sapientes de Edom et prudentiam de monte Esau?
Nova Vulgata 1,9Et timebunt fortes tui Theman, ut intereat omnis vir de monte Esau.
Nova Vulgata 1,10Propter interfectionem et propter iniquitatem in fratrem tuum Iacob operiet te confusio, et peribis in aeternum.
Nova Vulgata 1,11In die cum stares ex adverso, quando capiebant alieni exercitum eius, et extranei ingrediebantur portas eius et super Ierusalem mittebant sortem, tu quoque eras quasi unus ex eis».
Nova Vulgata 1,12Et non respicies diem fratris tui, diem calamitatis eius; et non laetaberis super filios Iudae in die perditionis eorum; et non magnificabis os tuum in die angustiae.
Nova Vulgata 1,13Neque ingredieris portam populi mei in die ruinae eorum; neque respicies et tu malum eius in die vastitatis illius et non mittes manum in opes eius in die vastitatis illius;
Nova Vulgata 1,14neque stabis in exitibus, ut interficias eos, qui fugerint, et non trades reliquos eius in die tribulationis.
Nova Vulgata 1,15Quoniam iuxta est dies Domini super omnes gentes: sicut fecisti, fiet tibi, retributio tua convertetur in caput tuum.
Nova Vulgata 1,16Quomodo enim bibistis super montem sanctum meum, bibent omnes gentes iugiter; et bibent et absorbebunt et erunt quasi non fuerint.
Nova Vulgata Et in monte Sion erit salvatio, et erit sanctum; et possidebit domus Iacob eos, qui se possederant.
17Eos qui se possederant – Lege cum Gr, Syr et Vg mōrišêhem; TM «possessiones eorum»
Nova Vulgata 1,18Et erit domus Iacob ignis, et domus Ioseph flamma, et domus Esau stipula; et succendentur in eis, et devorabunt eos, et non erunt reliquiae domus Esau, quia Dominus locutus est.
Nova Vulgata 1,19Et hereditabunt austrum, montem Esau, et Sephelam Philisthim; et possidebunt regionem Ephraim et regionem Samariae, et Beniamin possidebit Galaad;
Nova Vulgata 1,20et transmigratio prima filiorum Israel possidebit terram Chananaeorum usque ad Sareptam; et transmigratio Ierusalem, quae in Sapharad est, possidebit civitates austri.
Nova Vulgata 1,21Et ascendent salvatores in montem Sion iudicare montem Esau, et erit Domino regnum.