Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24
BibbiaEDU-logo

Nova Vulgata - Vetus Testamentum - Iosue - 5

Iosue

Nova Vulgata Torna al libro

NT greco

Nova Vulgata 5 5,1Postquam ergo audierunt omnes reges Amorraeorum, qui habitabant trans Iordanem ad occidentalem plagam, et cuncti reges Chanaan, qui propinqua possidebant Magno mari loca, quod siccasset Dominus fluenta Iordanis coram filiis Israel, donec transirent, dissolutum est cor eorum, et non remansit in eis spiritus coram filiis Israel.
Nova Vulgata
5,2Eo tempore ait Dominus ad Iosue: «Fac tibi cultros lapideos et circumcide iterum secundo filios Israel».
Nova Vulgata 5,3Fecit, quod iusserat Dominus, et circumcidit filios Israel in colle Praeputiorum.
Nova Vulgata
5,4Haec autem causa est secundae circumcisionis: omnis populus, qui egressus est ex Aegypto, generis masculini, universi bellatores viri mortui sunt in deserto in via;
Nova Vulgata 5,5qui omnes circumcisi erant. Populus autem, qui natus est in deserto, incircumcisus fuit.
Nova Vulgata 5,6Per quadraginta enim annos ambulabant filii Israel, donec consumerentur omnes homines bellatores, qui non audierant vocem Domini, et quibus iuraverat, ut non ostenderet eis terram, super qua iuraverat patribus eorum, ut daret illis terram lacte et melle manantem.
Nova Vulgata 5,7Horum filii in locum successerunt patrum et circumcisi sunt a Iosue, quia, sicut nati fuerant, in praeputio erant, nec eos in via aliquis circumciderat.
Nova Vulgata 5,8Postquam autem omnes circumcisi sunt, manserunt in eodem castrorum loco, donec sanarentur.
Nova Vulgata 5,9Dixitque Dominus ad Iosue: «Hodie abstuli opprobrium Aegypti a vobis». Vocatumque est nomen loci illius Galgala usque in praesentem diem.
Nova Vulgata
5,10Manseruntque filii Israel in Galgalis et fecerunt Pascha quarta decima die mensis ad vesperum in campestribus Iericho;
Nova Vulgata 5,11et comederunt de frugibus terrae a die altero, azymos panes et polentam hoc ipso die.
Nova Vulgata 5,12Defecitque manna a die sequenti, postquam comederunt de frugibus terrae, nec usi sunt ultra cibo illo filii Israel, sed comederunt de frugibus terrae Chanaan in anno illo.
Nova Vulgata
5,13Cum autem esset Iosue in agro urbis Iericho, levavit oculos et vidit virum stantem contra se et evaginatum tenentem gladium; perrexitque ad eum et ait: «Noster es an adversariorum?».
Nova Vulgata 5,14Qui respondit: «Nequaquam, sed sum princeps exercitus Domini et nunc veni».
Nova Vulgata 5,15Cecidit Iosue pronus in terram et adorans ait: «Quid Dominus meus loquitur ad servum suum?».
Nova Vulgata 5,16Et dixit princeps exercitus Domini ad Iosue: «Solve calceamentum de pedibus tuis; locus enim, in quo stas, sanctus est». Fecitque Iosue, ut sibi fuerat imperatum. 
Capitolo 4
Capitolo 6