Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
BibbiaEDU-logo

Nova Vulgata - Vetus Testamentum - Ezechielis - 30

Ezechielis

Nova Vulgata Torna al libro

NT greco

Nova Vulgata 30 30,1Et factum est verbum Domini ad me dicens:
Nova Vulgata 30,2«Fili hominis, propheta et dic: Haec dicit Dominus Deus:
Ululate, vae diei,
Nova Vulgata
30,3quia iuxta est dies,
et appropinquat dies Domini,
dies nubis; tempus gentium erit.
Nova Vulgata
30,4Et veniet gladius in Aegyptum,
et erit pavor in Chus,
cum ceciderint vulnerati in Aegypto,
et ablatae fuerint opes illius,
et destructa fundamenta eius.
Nova Vulgata
30,5Chus et Phut et Lud et omne vulgus promiscuum
et Chub et filii terrae foederis
cum eis gladio cadent.
Nova Vulgata
30,6Haec dicit Dominus Deus:
Et corruent fulcientes Aegyptum,
et destruetur superbia potentiae eius;
a Magdolo usque ad Syenen gladio cadent in ea,
ait Dominus Deus.
Nova Vulgata
30,7Et dissipabuntur in medio terrarum desolatarum, et urbes eius in medio civitatum desertarum erunt;
Nova Vulgata 30,8et scient quia ego Dominus, cum dedero ignem in Aegyptum, et attriti fuerint omnes auxiliatores eius.
Nova Vulgata
30,9In die illa egredientur nuntii a facie mea in navibus ad conterendam confidentiam Chus, et erit pavor in eis in die Aegypti, quia veniet.
Nova Vulgata
30,10Haec dicit Dominus Deus: Cessare faciam pompam Aegypti in manu Nabuchodonosor, regis Babylonis.
Nova Vulgata 30,11Ipse et populus eius cum eo violentissimi gentium adducentur ad disperdendam terram; et evaginabunt gladios suos super Aegyptum et implebunt terram interfectis.
Nova Vulgata 30,12Et faciam alveos fluminum aridos et tradam terram in manu pessimorum et dissipabo terram et plenitudinem eius in manu alienorum. Ego Dominus locutus sum.
Nova Vulgata
30,13Haec dicit Dominus Deus:
Et disperdam simulacra
et cessare faciam idola de Memphi,
et dux de terra Aegypti
non erit amplius,
et dabo terrorem in terra Aegypti.
Nova Vulgata 30,14Et disperdam terram Phatures
et dabo ignem in Tani
et faciam iudicia in No.
Nova Vulgata
30,15Et effundam indignationem meam super Sin, robur Aegypti, et interficiam multitudinem No.
Nova Vulgata 30,16Et dabo ignem in Aegypto; quasi parturiens dolebit Sin, et in No scissura erit, et contra Memphin hostes plena die.
Nova Vulgata 30,17Iuvenes Heliopoleos et Bubasti gladio cadent, et ipsae captivae ducentur.
Nova Vulgata 30,18Et in Taphnis nigrescet dies, cum contrivero ibi sceptra Aegypti, et defecerit in ea superbia potentiae eius; ipsam nubes operiet, filiae autem eius in captivitatem ducentur.
Nova Vulgata 30,19Et faciam iudicia in Aegypto, et scient quia ego Dominus».
Nova Vulgata
30,20Et factum est in undecimo anno, in primo, in septima mensis, factum est verbum Domini ad me dicens:
Nova Vulgata 30,21«Fili hominis, brachium pharaonis, regis Aegypti, confregi, et ecce non est obvolutum, ut restitueretur ei sanitas, ut ligaretur pannis et farciretur linteolis, ut recepto robore posset tenere gladium.
Nova Vulgata 30,22Propterea haec dicit Dominus Deus: Ecce ego ad pharaonem, regem Aegypti, et comminuam brachium eius forte sed confractum et deiciam gladium de manu eius
Nova Vulgata 30,23et dispergam Aegyptum in gentibus et ventilabo eos in terris.
Nova Vulgata 30,24Et confortabo brachia regis Babylonis daboque gladium meum in manu eius; et confringam brachia pharaonis, et gemet gemitibus sicut transfixus coram facie eius.
Nova Vulgata 30,25Et confortabo brachia regis Babylonis, et brachia pharaonis concident; et scient quia ego Dominus, cum dedero gladium meum in manu regis Babylonis, et extenderit eum super terram Aegypti.
Nova Vulgata 30,26Et dispergam Aegyptum in nationes et ventilabo eos in terras, et scient quia ego Dominus».
Capitolo 29
Capitolo 31