Nova Vulgata68 68,1Magistro chori. David. Psalmus. Canticum.
Nova Vulgata 68,2Exsurgit Deus, et dissipantur inimici eius; et fugiunt, qui oderunt eum, a facie eius.
Nova Vulgata 68,3Sicut dissipatur fumus, tu dissipas; sicut fluit cera a facie ignis, sic pereunt peccatores a facie Dei.
Nova Vulgata 68,4Et iusti laetentur et exsultent in conspectu Dei et delectentur in laetitia.
Nova Vulgata 68,5Cantate Deo, psalmum dicite nomini eius; iter facite ei, qui fertur super nubes: Dominus nomen illi. Iubilate in conspectu eius;
Nova Vulgata 68,6pater orphanorum et iudex viduarum, Deus in habitaculo sancto suo.
Nova Vulgata 68,7Deus, qui inhabitare facit desolatos in domo, qui educit vinctos in prosperitatem; verumtamen rebelles habitabunt in arida terra.
Nova Vulgata 68,8Deus, cum egredereris in conspectu populi tui, cum pertransires in deserto,
Nova Vulgata 68,9terra mota est, etiam caeli distillaverunt a facie Dei Sinai, a facie Dei Israel.
Nova Vulgata 68,10Pluviam voluntariam effundebas, Deus; hereditatem tuam infirmatam, tu refecisti eam.
Nova Vulgata 68,11Animalia tua habitabant in ea, parasti in bonitate tua pauperi, Deus.
Nova Vulgata 68,12Dominus dat verbum; virgines annuntiantes bona sunt agmen ingens:
Nova Vulgata 68,13«Reges exercituum fugiunt, fugiunt, et species domus dividit spolia.
Nova Vulgata 68,14Et vos dormitis inter medias caulas: alae columbae nitent argento, et pennae eius pallore auri.
Nova Vulgata 68,15Dum dispergit Omnipotens reges super eam, nive dealbatur Selmon».
Nova Vulgata 68,16Mons Dei mons Basan, mons cacuminum mons Basan.
Nova Vulgata 68,17Ut quid invidetis, montes cacuminum, monti, in quo beneplacitum est Deo inhabitare? Etenim Dominus habitabit in finem.
Nova Vulgata 68,18Currus Dei decem milia milium: Dominus venit de Sinai in sancta.
Nova Vulgata 68,19Ascendisti in altum, captivam duxisti captivitatem; accepisti in donum homines, ut etiam rebelles habitent apud Dominum Deum.
Nova Vulgata 68,20Benedictus Dominus die cotidie; portabit nos Deus salutarium nostrorum.
Nova Vulgata 68,21Deus noster, Deus ad salvandum; et Domini, Domini exitus mortis.
Nova Vulgata 68,22Verumtamen Deus confringet capita inimicorum suorum, verticem capillatum perambulantium in delictis suis.
Nova Vulgata 68,23Dixit Dominus: «Ex Basan reducam, reducam de profundo maris,
Nova Vulgata 68,24ut intingatur pes tuus in sanguine, lingua canum tuorum ex inimicis portionem inveniat».
Nova Vulgata 68,25Viderunt ingressus tuos, Deus, ingressus Dei mei, regis mei in sancta.
Nova Vulgata 68,26Praecedunt cantores, postremi veniunt psallentes. in medio iuvenculae tympanistriae.
Nova Vulgata 68,27«In ecclesiis benedicite Deo, Domino, vos de fontibus Israel».
Nova Vulgata 68,28Ibi Beniamin adulescentulus ducens eos, principes Iudae cum turma sua, principes Zabulon, principes Nephthali.
Nova Vulgata 68,29Manda, Deus, virtuti tuae; confirma hoc, Deus, quod operatus es in nobis.
Nova Vulgata 68,30A templo tuo in Ierusalem tibi afferent reges munera.
Nova Vulgata 68,31Increpa feram arundinis, congregationem taurorum in vitulis populorum: prosternant se cum laminis argenti. Dissipa gentes, quae bella volunt.
Nova Vulgata 68,32Venient optimates ex Aegypto, Aethiopia praeveniet manus suas Deo.
Nova Vulgata 68,33Regna terrae, cantate Deo, psallite Domino, psallite Deo,
Nova Vulgata 68,34qui fertur super caelum caeli ad orientem; ecce dabit vocem suam, vocem virtutis.
Nova Vulgata 68,35Tribuite virtutem Deo. Super Israel magnificentia eius, et virtus eius in nubibus.
Nova Vulgata 68,36Mirabilis, Deus, de sanctuario tuo! Deus Israel ipse tribuet virtutem et fortitudinem plebi suae. Benedictus Deus!