Nova Vulgata 24,2et in ecclesia Altissimi aperiet os suum et in conspectu virtutis illius gloriabitur
Nova Vulgata 24,3et in medio populi sui exaltabitur et in plenitudine sancta admirabitur
Nova Vulgata 24,4et in multitudine electorum habebit laudem et inter benedictos benedicetur dicens:
Nova Vulgata 24,5«Ego ex ore Altissimi prodivi, primogenita ante omnem creaturam.
Nova Vulgata 24,6Ego feci in caelis, ut oriretur lumen indeficiens, et sicut nebula texi omnem terram.
Nova Vulgata 24,7Ego in altissimis habitavi, et thronus meus in columna nubis.
Nova Vulgata 24,8Gyrum caeli circuivi sola et in profundum abyssi ambulavi,
Nova Vulgata 24,9in fluctibus maris et in omni terra steti
Nova Vulgata 24,10et in omni populo et in omni gente primatum habui
Nova Vulgata 24,11et omnium excellentium et humilium corda virtute calcavi. In his omnibus requiem quaesivi: cuius in hereditate morabor?
Nova Vulgata 24,12Tunc praecepit et dixit mihi Creator omnium et, qui creavit me, quietem dedit tabernaculo meo
Nova Vulgata 24,13et dixit mihi: “In Iacob inhabita et in Israel hereditare et in electis meis mitte radices”.
Nova Vulgata 24,14Ab initio ante saecula creata sum et usque ad futurum saeculum non desinam.
Nova Vulgata 24,15Et in tabernaculo sancto coram ipso ministravi, et sic in Sion firmata sum et in civitate similiter dilecta requievi, et in Ierusalem potestas mea.
Nova Vulgata 24,16Et radicavi in populo honorificato et in parte Domini, in hereditate illius, et in plenitudine sanctorum detentio mea.
Nova Vulgata 24,17Quasi cedrus exaltata sum in Libano et quasi cupressus in montibus Hermon.
Nova Vulgata 24,18Quasi palma exaltata sum in Engaddi et quasi plantatio rosae in Iericho
Nova Vulgata 24,19Quasi oliva speciosa in campis et quasi platanus exaltata sum iuxta aquam in plateis.
Nova Vulgata 24,20Sicut cinnamomum et balsamum aromatizans odorem dedi; quasi myrrha electa dedi suavitatem odoris.
Nova Vulgata 24,21Et quasi storax et galbanus et ungula et gutta et quasi libani vapor in tabernaculo.
Nova Vulgata 24,22Ego quasi terebinthus extendi ramos meos, et rami mei rami honoris et gratiae.
Nova Vulgata 24,23Ego quasi vitis germinavi gratiam, et flores mei fructus honoris et honestatis.
Nova Vulgata 24,24Ego mater pulchrae dilectionis et timoris et agnitionis et sanctae spei.
Nova Vulgata 24,25In me gratia omnis viae et veritatis, in me omnis spes vitae et virtutis.
Nova Vulgata 24,26Transite ad me, omnes, qui concupiscitis me, et a generationibus meis implemini.
Nova Vulgata 24,27Doctrina enim mea super mel dulcis, et hereditas mea super mel et favum;
Nova Vulgata 24,28memoria mea in generationes saeculorum.
Nova Vulgata 24,29Qui edunt me, adhuc esurient; et, qui bibunt me, adhuc sitient.
Nova Vulgata 24,30Qui audit me, non confundetur; et, qui operantur in me, non peccabunt:
Nova Vulgata 24,31qui elucidant me, vitam aeternam habebunt».
Nova Vulgata 24,32Haec omnia liber testamenti Altissimi,
Nova Vulgata 24,33lex, quam mandavit nobis Moyses, hereditas domui Iacob.
Nova Vulgata 24,34Posuit David puero suo excitare regem ex ipso fortissimum, et in throno honoris sedentem in sempiternum.
Nova Vulgata 24,35Lex, quae implet quasi Phison sapientiam et sicut Tigris in diebus novorum,
Nova Vulgata 24,36quae adimplet quasi Euphrates sensum et quasi Iordanis in tempore messis,
Nova Vulgata 24,37quae redundavit disciplina sicut Nilus et assistens quasi Geon in die vindemiae.
Nova Vulgata 24,38Non perfecit primus scire ipsam, sic nec ultimus investigavit eam.
Nova Vulgata 24,39Super mare enim abundavit cogitatio eius, et consilium illius super abyssum magnam.
Nova Vulgata 24,40Ego sapientia effudi flumina,
Nova Vulgata 24,41ego quasi trames aquae immensae de fluvio et sicut aquaeductus exivi in paradisum.
Nova Vulgata 24,42Dixi: «Rigabo hortum meum plantationum et inebriabo prati mei fructum».
Nova Vulgata 24,43Et ecce factus est mihi trames in fluvium, et fluvius meus appropinquavit ad mare.
Nova Vulgata 24,44Quoniam doctrinam quasi antelucanum illuminabo et enarrabo illam usque ad longinquum.
Nova Vulgata 24,45Penetrabo omnes inferiores partes terrae et inspiciam omnes dormientes et illuminabo omnes sperantes in Domino;
Nova Vulgata 24,46adhuc doctrinam quasi prophetiam effundam et relinquam illam in generationes saeculorum et non desinam in progenies illorum usque in aevum sanctum.
Nova Vulgata 24,47Videte quoniam non soli mihi laboravi, sed omnibus exquirentibus illam.