Nova Vulgata4040,1His ita gestis, accidit ut peccarent pincerna regis Aegypti et pistor domino suo.
Nova Vulgata40,2Iratusque pharao contra duos eunuchos, praepositum pincernarum et praepositum pistorum,
Nova Vulgata40,3misit eos in carcerem principis satellitum, in quo erat vinctus et Ioseph.
Nova Vulgata40,4Et princeps satellitum tradidit eos Ioseph, qui ministrabat eis. Aliquantulum temporis illi in custodia tenebantur.
Nova Vulgata 40,5Videruntque ambo somnium nocte una iuxta interpretationem congruam sibi.
Nova Vulgata40,6Ad quos cum introisset Ioseph mane et vidisset eos tristes,
Nova Vulgata40,7sciscitatus est eos dicens: «Cur tristior est hodie solito facies vestra?».
Nova Vulgata40,8Qui responderunt: «Somnium vidimus, et non est qui interpretetur nobis». Dixitque ad eos Ioseph: «Numquid non Dei est interpretatio? Referte mihi quid videritis».
Nova Vulgata 40,9Narravit praepositus pincernarum somnium suum: «Videbam coram me vitem,
Nova Vulgata40,10in qua erant tres propagines, crescere paulatim in gemmas et post flores uvas maturescere;
Nova Vulgata40,11calicemque pharaonis in manu mea. Tuli ergo uvas et expressi in calicem, quem tenebam, et tradidi poculum pharaoni».
Nova Vulgata40,12Respondit Ioseph: «Haec est interpretatio somnii: tres propagines, tres adhuc dies sunt,
Nova Vulgata40,13post quos elevabit pharao caput tuum et restituet te in gradum pristinum; dabisque ei calicem iuxta officium tuum, sicut facere ante consueveras.
Nova Vulgata40,14Tantum memento mei, cum tibi bene fuerit, et facias mecum misericordiam, ut suggeras pharaoni, ut educat me de isto carcere;
Nova Vulgata40,15quia furto sublatus sum de terra Hebraeorum et hic innocens in lacum missus sum».
Nova Vulgata 40,16Videns pistorum magister quod somnium in bonum dissolvisset, ait: «Et ego vidi somnium, quod tria canistra farinae haberem super caput meum;
Nova Vulgata40,17et in uno canistro, quod erat excelsius, portare me ex omnibus cibis pharaonis, qui fiunt arte pistoria, avesque comedere eos».
Nova Vulgata40,18Respondit Ioseph: «Haec est interpretatio somnii: tria canistra, tres adhuc dies sunt,
Nova Vulgata40,19post quos auferet pharao caput tuum ac suspendet te in patibulo, et comedent volucres carnes tuas».
Nova Vulgata 40,20Exinde dies tertius natalicius pharaonis erat; qui faciens grande convivium pueris suis elevavit caput magistri pincernarum et caput pistorum principis in medio puerorum suorum;
Nova Vulgata40,21restituitque alterum in locum suum, ut porrigeret ei poculum,
Nova Vulgata40,22alterum suspendit in patibulo, sicut interpretatus erat eis Ioseph.
Nova Vulgata 40,23Attamen praepositus pincernarum non est recordatus Ioseph, sed oblitus est interpretis sui.