Nova Vulgata2222,1Quae postquam gesta sunt, tentavit Deus Abraham et dixit ad eum: «Abraham». Ille respondit: «Adsum».
Nova Vulgata22,2Ait: «Tolle filium tuum unigenitum, quem diligis, Isaac et vade in terram Moria; atque offer eum ibi in holocaustum super unum montium, quem monstravero tibi».
Nova Vulgata 22,3Igitur Abraham de nocte consurgens stravit asinum suum ducens secum duos iuvenes suos et Isaac filium suum. Cumque concidisset ligna in holocaustum, surrexit et abiit ad locum, quem praeceperat ei Deus.
Nova Vulgata22,4Die autem tertio, elevatis oculis, vidit locum procul
Nova Vulgata22,5dixitque ad pueros suos: «Exspectate hic cum asino. Ego et puer illuc usque properantes, postquam adoraverimus, revertemur ad vos».
Nova Vulgata 22,6Tulit quoque ligna holocausti et imposuit super Isaac filium suum; ipse vero portabat in manibus ignem et cultrum. Cumque duo pergerent simul,
Nova Vulgata22,7dixit Isaac Abrahae patri suo: «Pater mi». Ille respondit: «Quid vis, fili?». «Ecce, inquit, ignis et ligna; ubi est victima holocausti?».
Nova Vulgata22,8Dixit Abraham: «Deus providebit sibi victimam holocausti, fili mi». Pergebant ambo pariter;
Nova Vulgata22,9et venerunt ad locum, quem ostenderat ei Deus, in quo aedificavit Abraham altare et desuper ligna composuit. Cumque colligasset Isaac filium suum, posuit eum in altari super struem lignorum
Nova Vulgata22,10extenditque Abraham manum et arripuit cultrum, ut immolaret filium suum.
Nova Vulgata22,11Et ecce angelus Domini de caelo clamavit: «Abraham, Abraham». Qui respondit: «Adsum».
Nova Vulgata22,12Dixitque: «Non extendas manum tuam super puerum neque facias illi quidquam. Nunc cognovi quod times Deum et non pepercisti filio tuo unigenito propter me».
Nova VulgataLevavit Abraham oculos suos viditque arietem unum inter vepres haerentem cornibus; quem assumens obtulit holocaustum pro filio.
13Unum - Lege cum multis mss, Sam Gr, Syr et Targ ’eḥād; TM «post (tergum)»
Nova Vulgata22,14Appellavitque nomen loci illius: «Dominus videt». Unde usque hodie dicitur: «In monte Dominus videtur».
Nova Vulgata 22,15Vocavit autem angelus Domini Abraham secundo de caelo et dixit:
Nova Vulgata22,16«Per memetipsum iuravi, dicit Dominus: quia fecisti hanc rem et non pepercisti filio tuo unigenito,
Nova Vulgata22,17benedicam tibi et multiplicabo semen tuum sicut stellas caeli et velut arenam, quae est in litore maris. Possidebit semen tuum portas inimicorum suorum,
Nova Vulgata22,18et benedicentur in semine tuo omnes gentes terrae, quia oboedisti voci meae».
Nova Vulgata 22,19Reversus est Abraham ad pueros suos, et surrexerunt abieruntque Bersabee simul, et habitavit Abraham in Bersabee.
Nova Vulgata 22,20His ita gestis, nuntiatum est Abrahae quod Melcha quoque genuisset filios Nachor fratri suo:
Nova Vulgata22,21Us primogenitum et Buz fratrem eius et Camuel patrem Aram
Nova Vulgata22,22et Cased et Azau, Pheldas quoque et Iedlaph
Nova Vulgata22,23ac Bathuel, de quo nata est Rebecca. Octo istos genuit Melcha Nachor fratri Abrahae.
Nova Vulgata22,24Concubina vero illius, nomine Reuma, peperit Tabee et Gaham et Tahas et Maacha.
