Nova Vulgata11 11,1Et egredietur virga de stirpe Iesse, et flos de radice eius ascendet;
Nova Vulgata 11,2et requiescet super eum spiritus Domini: spiritus sapientiae et intellectus, spiritus consilii et fortitudinis, spiritus scientiae et timoris Domini;
Nova Vulgata et deliciae eius in timore Domini. Non secundum visionem oculorum iudicabit neque secundum auditum aurium decernet;
3Non – Lege cum multis mss Hebraicis et verss lō’; TM «et non»
Nova Vulgata 11,4sed iudicabit in iustitia pauperes et decernet in aequitate pro mansuetis terrae; et percutiet terram virga oris sui et spiritu labiorum suorum interficiet impium.
Nova Vulgata 11,5Et erit iustitia cingulum lumborum eius, et fides cinctorium renum eius.
Nova Vulgata Habitabit lupus cum agno, et pardus cum haedo accubabit; vitulus et leo simul saginabuntur, et puer parvulus minabit eos.
6Saginabuntur – Lege cum 1QIsa jimrû; TM «et saginatus»
Nova Vulgata 11,7Vitula et ursus pascentur, simul accubabunt catuli eorum; et leo sicut bos comedet paleas.
Nova Vulgata 11,8Et ludet infans ab ubere super foramine aspidis; et in cavernam reguli, qui ablactatus fuerit, manum suam mittet.
Nova Vulgata 11,9Non nocebunt et non occident in universo monte sancto meo, quia plena erit terra scientia Domini, sicut aquae mare operiunt.
Nova Vulgata 11,10In die illa radix Iesse stat in signum populorum; ipsam gentes requirent, et erit sedes eius gloriosa.
Nova Vulgata 11,11Et erit in die illa: rursus extendet Dominus manum suam ad possidendum residuum populi sui, quod relictum erit ab Assyria et ab Aegypto et a Phatros et ab Aethiopia et ab Elam et a Sennaar et ab Emath et ab insulis maris;
Nova Vulgata 11,12et levabit signum in nationes et congregabit profugos Israel et dispersos Iudae colliget a quattuor plagis terrae.
Nova Vulgata 11,13Et auferetur zelus Ephraim, et hostes Iudae abscindentur; Ephraim non aemulabitur Iudam, et Iudas non pugnabit contra Ephraim.
Nova Vulgata 11,14Et volabunt in umeros Philisthim ad mare, simul praedabuntur filios orientis: in Edom et Moab extendent manus suas, et filii Ammon oboedient eis.
Nova Vulgata Et exsiccabit Dominus linguam maris Aegypti et levabit manum suam super flumen in fortitudine spiritus sui et percutiet illud in septem rivos, ita ut transire faciat eos calceatos.
15Exsiccabit – Lege cum Targ, Gr et Syr weheḥĕrîb; TM «exstirpabit»
Nova Vulgata 11,16Et erit via residuo populo meo, qui relinquetur ab Assyria, sicut fuit Israeli in die illa, qua ascendit de terra Aegypti.