Nova Vulgata3434,1Pronuntians itaque Eliu etiam haec locutus est:
Nova Vulgata 34,2«Audite, sapientes, verba mea; et eruditi, auscultate me.
Nova Vulgata 34,3Auris enim verba probat, et guttur escas gustu diiudicat.
Nova Vulgata 34,4Iudicium eligamus nobis et inter nos videamus quid sit melius.
Nova Vulgata 34,5Quia dixit Iob: “Iustus sum, et Deus avertit iudicium meum;
Nova Vulgata 34,6in iudicando enim me mendacium est, violenta sagitta mea absque ullo peccato”.
Nova Vulgata 34,7Quis est vir, ut est Iob, qui bibit subsannationem quasi aquam,
Nova Vulgata 34,8qui graditur una cum operantibus iniquitatem et ambulat cum viris impiis?
Nova Vulgata 34,9Dixit enim: “Non prodest viro, etiamsi cum Deo familiariter agit”.
Nova Vulgata 34,10Ideo, viri cordati, audite me: Absit a Deo impietas, et ab Omnipotente iniquitas.
Nova Vulgata 34,11Opus enim hominis reddet ei et iuxta vias singulorum restituet eis.
Nova Vulgata 34,12Vere enim Deus non operatur malum, nec Omnipotens subvertet iudicium.
Nova Vulgata Quis commisit ei terram suam, aut quis posuit totum orbem?
13Terram suam – Lege ’arṣô; TM ’arṣāh (suff. fem.?)
Nova Vulgata Si direxerit ad se cor suum, spiritum illius et halitum ad se trahat,
14Sic Vg (et TM iāśîm «ponet»); Gr et mss Hebraici iāšîb «converterit, reduxerit»
Nova Vulgata 34,15deficiet omnis caro simul, et homo in cinerem revertetur.
Nova Vulgata 34,16Si habes ergo intellectum, audi hoc et ausculta vocem eloquii mei:
Nova Vulgata 34,17Numquid, qui non amat iudicium, reget imperio? Num iustum magnum condemnabis,
Nova Vulgata 34,18qui dicet regi: “Nequam!”, qui vocabit duces: “Impios!”,
Nova Vulgata 34,19qui non accipit personas principum nec cognovit opulentum, cum disceptaret contra pauperem? Opus enim manuum eius sunt universi.
Nova Vulgata 34,20Subito morientur; et in media nocte turbabuntur populi et pertransibunt, et auferent violentum absque conatu.
Nova Vulgata 34,21Oculi enim eius super vias hominum, et omnes gressus eorum considerat.
Nova Vulgata 34,22Non sunt tenebrae, et non est umbra mortis, ut abscondantur ibi, qui operantur iniquitatem.
Nova Vulgata Nec enim ultra homini ponit conveniendi locum, ut veniat ad Deum in iudicium.
23Conveniendi locum – Lege mō‛ēd; TM «adhuc»
Nova Vulgata 34,24Conteret potentes sine inquisitione et stare faciet alios pro eis.
Nova Vulgata 34,25Novit enim opera eorum et idcirco inducet noctem, et conterentur.
Nova Vulgata 34,26Quasi impios percussit eos in loco videntium,
Nova Vulgata 34,27qui quasi de industria recesserunt ab eo et omnes vias eius intellegere noluerunt,
Nova Vulgata 34,28cum induceret ad se clamorem egeni et audiret vocem pauperum.
Nova Vulgata 34,29Ipse enim si quieverit, quis est qui condemnet? Et si absconderit vultum, quis est qui contempletur eum, super gentem et super homines simul?
Nova Vulgata 34,30Ne regnet homo impius, ne sint laquei populo.
Nova Vulgata 34,31Si enim dixit quispiam Deo: “Ferre debui! Iam non perverse agam.
Nova Vulgata 34,32Dum videam, tu doce me; si iniquitatem operatus sum, ultra non addam”.
Nova Vulgata 34,33Numquid pro te Deus satisfaciet, quia respuisti? Tu enim eliges, et non ego; et si quid nosti melius, loquere.
Nova Vulgata 34,34Viri intellegentes loquentur mihi, et vir sapiens, qui audiet me:
Nova Vulgata 34,35“Iob autem non in sapientia locutus est, et verba illius non sonant disciplinam”.
Nova Vulgata Utique, probetur Iob usque ad finem de responsionibus hominum iniquitatis.
36Utique– Lege’abal; TM «Pater mi»
Nova Vulgata 34,37Quia addit super peccata sua delictum, inter nos plaudit manibus et multiplicat sermones suos contra Deum».