Nova Vulgata43 43,1Iudica me, Deus, et discerne causam meam de gente non sancta; ab homine iniquo et doloso erue me.
Nova Vulgata 43,2Quia tu es Deus refugii mei; quare me reppulisti, et quare tristis incedo, dum affligit me inimicus?
Nova Vulgata 43,3Emitte lucem tuam et veritatem tuam; ipsae me deducant et adducant in montem sanctum tuum et in tabernacula tua.
Nova Vulgata 43,4Et introibo ad altare Dei, ad Deum laetitiae exsultationis meae. Confitebor tibi in cithara, Deus, Deus meus.
Nova Vulgata 43,5Quare tristis es, anima mea, et quare conturbaris in me? Spera in Deo, quoniam adhuc confitebor illi, salutare vultus mei et Deus meus.