Nova Vulgata4242,1Audiens autem Iacob quod alimenta venderentur in Aegypto, dixit filiis suis: «Quare aspicitis vos invicem?»
Nova Vulgata42,2Audivi quod triticum venumdetur in Aegypto; descendite et emite nobis necessaria, ut possimus vivere et non consumamur inopia.
Nova Vulgata 42,3Descenderunt igitur fratres Ioseph decem, ut emerent frumenta in Aegypto,
Nova Vulgata42,4Beniamin fratre Ioseph domi retento a Iacob, qui dixerat fratribus eius: «Ne forte in itinere quidquam patiatur mali».
Nova Vulgata42,5Et ingressi sunt filii Israel terram Aegypti cum aliis, qui pergebant ad emendum. Erat autem fames in terra Chanaan.
Nova Vulgata 42,6Et Ioseph erat princeps in terra Aegypti, atque ad eius nutum frumenta populis vendebantur. Cumque venissent et adorassent eum fratres sui proni in terram,
Nova Vulgata42,7et agnovisset eos, quasi ad alienos durius loquebatur interrogans eos: «Unde venistis?». Qui responderunt: «De terra Chanaan, ut emamus victui necessaria».
Nova Vulgata 42,8Et tamen fratres ipse cognoscens non est cognitus ab eis.
Nova Vulgata42,9Recordatusque somniorum, quae aliquando viderat, ait ad eos: «Exploratores estis; ut videatis infirmiora terrae, venistis!».
Nova Vulgata42,10Qui dixerunt: «Non est ita, domine; sed servi tui venerunt, ut emerent cibos.
Nova Vulgata42,11Omnes filii unius viri sumus; sinceri sumus, nec quidquam famuli tui machinantur mali».
Nova Vulgata42,12Quibus ille respondit: «Aliter est; immunita terrae huius considerare venistis!».
Nova Vulgata42,13At illi: «Duodecim, inquiunt, servi tui fratres sumus filii viri unius in terra Chanaan; minimus cum patre nostro est, alius non est super».
Nova Vulgata 42,14«Hoc est, ait, quod locutus sum: exploratores estis!
Nova Vulgata42,15Iam nunc experimentum vestri capiam: per salutem pharaonis, non egrediemini hinc, donec veniat frater vester minimus!
Nova Vulgata42,16Mittite ex vobis unum, et adducat eum; vos autem eritis in vinculis, donec probentur, quae dixistis, utrum vera an falsa sint. Alioquin, per salutem pharaonis, exploratores estis!».
Nova Vulgata42,17Tradidit ergo illos custodiae tribus diebus.
Nova Vulgata 42,18Die autem tertio eductis de carcere, ait: «Facite, quae dixi, et vivetis; Deum enim timeo.
Nova Vulgata42,19Si sinceri estis, frater vester unus ligetur in carcere; vos autem abite et ferte frumenta, quae emistis, in domos vestras,
Nova Vulgata42,20et fratrem vestrum minimum ad me adducite, ut possim vestros probare sermones, et non moriamini». Fecerunt, ut dixerat,
Nova Vulgata42,21et locuti sunt ad invicem: «Merito haec patimur, quia peccavimus in fratrem nostrum videntes angustiam animae illius, cum deprecaretur nos, et non audivimus. Idcirco venit super nos ista tribulatio».
Nova Vulgata42,22Et Ruben ait: «Numquid non dixi vobis: Nolite peccare in puerum? Et non audistis me. En sanguis eius exquiritur».
Nova Vulgata 42,23Nesciebant autem quod intellegeret Ioseph, eo quod per interpretem loquebatur ad eos.
Nova Vulgata42,24Avertitque se parumper et flevit; et reversus locutus est ad eos.
Nova Vulgata42,25Tollensque Simeon et ligans, illis praesentibus, iussit ministris, ut implerent eorum saccos tritico et reponerent pecunias singulorum in sacculis suis, datis supra cibariis in viam. Qui fecerunt ita.
Nova Vulgata 42,26At illi portantes frumenta in asinis suis profecti sunt.
Nova Vulgata42,27Apertoque unus sacco, ut daret iumento pabulum in deversorio, contemplatus pecuniam in ore sacculi
Nova Vulgata42,28dixit fratribus suis: «Reddita est mihi pecunia: en habetur in sacco!». Et obstupefacti turbatique mutuo dixerunt: «Quidnam est hoc, quod fecit nobis Deus?».
Nova Vulgata 42,29Veneruntque ad Iacob patrem suum in terram Chanaan; et narraverunt ei omnia, quae accidissent sibi, dicentes:
Nova Vulgata42,30«Locutus est nobis dominus terrae dure et putavit nos exploratores esse provinciae».
Nova Vulgata42,31Cui respondimus: «Sinceri sumus, nec ullas molimur insidias;
Nova Vulgata42,32duodecim fratres uno patre geniti sumus, unus non est super, minimus cum patre nostro est in terra Chanaan.
Nova Vulgata42,33Et dixit nobis vir, dominus terrae: “Sic probabo quod sinceri sitis: fratrem vestrum unum dimittite apud me et cibaria domibus vestris necessaria sumite et abite;
Nova Vulgata42,34fratremque vestrum minimum adducite ad me, ut sciam quod non sitis exploratores et istum, qui tenetur in vinculis, recipere possitis ac deinceps peragrandi terram habeatis licentiam”».
Nova Vulgata 42,35His dictis, cum frumenta effunderent, singuli reppererunt in ore saccorum ligatas pecunias; exterritisque simul omnibus,
Nova Vulgata42,36dixit pater Iacob: «Absque liberis me esse fecistis: Ioseph non est super, Simeon tenetur in vinculis, et Beniamin auferetis. In me haec omnia mala reciderunt».
Nova Vulgata42,37Cui respondit Ruben: «Duos filios meos interfice, si non reduxero illum tibi; trade illum in manu mea, et ego eum tibi restituam».
Nova Vulgata42,38At ille: «Non descendet, inquit, filius meus vobiscum. Frater mortuus est, et ipse solus remansit; si quid ei adversi acciderit in via, deducetis canos meos cum dolore ad inferos».
