Nova Vulgata43Et nunc haec dicit Dominus, qui creavit te, Iacob, et formavit te, Israel: «Noli timere, quia redemi te et vocavi te nomine tuo; meus es tu.
1Vocavi te – Lege cum Targ, Gr, Syr et Vg qerā’tîkā; TM omittit pronomen
Nova Vulgata 43,2Cum transieris per aquas, tecum ero, et flumina non operient te; cum ambulaveris in igne, non combureris, et flamma non ardebit in te,
Nova Vulgata 43,3quia ego Dominus Deus tuus, Sanctus Israel, salvator tuus: dedi propitiationem tuam Aegyptum, Aethiopiam et Saba pro te.
Nova Vulgata 43,4Quoniam pretiosus factus es in oculis meis et gloriosus, ego diligo te et dabo homines pro te et populos pro anima tua.
Nova Vulgata 43,5Noli timere, quoniam ego tecum sum: ab oriente adducam semen tuum et ab occidente congregabo te.
Nova Vulgata 43,6Dicam aquiloni: “Da” et austro: “Noli prohibere; affer filios meos de longinquo et filias meas ab extremis terrae.
Nova Vulgata 43,7Omnem, qui vocatur nomine meo, in gloriam meam creavi eum, formavi eum et feci eum”.
Nova Vulgata 43,8Educ foras populum caecum, et oculos habentem, surdos, et aures eis sunt.
Nova Vulgata 43,9Omnes gentes congregentur simul, et colligantur nationes: quis in eis annuntiabit istud et priora audire nos faciet? Dent testes suos et iustificentur et audiant et dicant: “Vere”.
Nova Vulgata 43,10Vos testes mei, dicit Dominus, et servus meus, quem elegi, ut sciatis et credatis mihi et intellegatis quia ego ipse sum; ante me non est formatus Deus et post me non erit.
Nova Vulgata 43,11Ego, ego sum Dominus, et non est absque me salvator.
Nova Vulgata 43,12Ego, annuntiavi et salvavi; auditum feci, et non fuit in vobis alienus; et vos testes mei, dicit Dominus, et ego Deus,
Nova Vulgata iam ab initio ego ipse. Et non est qui de manu mea eruat; operabor, et quis avertet illud?».
13Ab initio – Targ, Gr et Vg ita; TM «a die»
Nova Vulgata 43,14Haec dicit Dominus, redemptor vester, Sanctus Israel: «Propter vos misi in Babylonem et detraxi fugitivos universos et Chaldaeos in navibus suis gloriantes.
Nova Vulgata 43,15Ego Dominus, Sanctus vester, creans Israel, rex vester».
Nova Vulgata 43,16Haec dicit Dominus, qui dedit in mari viam et in aquis torrentibus semitam;
Nova Vulgata 43,17qui eduxit quadrigam et equum, agmen et robustum; simul iacuerunt nec resurgent, contriti sunt quasi linum et exstincti sunt.
Nova Vulgata 43,18«Ne memineritis priorum et antiqua ne intueamini:
Nova Vulgata 43,19ecce ego facio nova, et nunc orientur: nonne cognoscitis ea? Utique ponam in deserto viam et in invio flumina.
Nova Vulgata 43,20Glorificabit me bestia agri, dracones et struthiones, quia dedi in deserto aquas, flumina in invio, ut darem potum populo meo, electo meo.
Nova Vulgata 43,21Populum istum formavi mihi; laudem meam narrabunt.
Nova Vulgata 43,22Non me invocasti, Iacob; immo taedio mei affectus es, Israel.
Nova Vulgata 43,23Non obtulisti mihi agnos holocausti tui et victimis tuis non glorificasti me; non te gravavi in oblatione nec laborem tibi praebui in ture.
Nova Vulgata 43,24Non emisti mihi argento calamum et adipe victimarum tuarum non inebriasti me; verumtamen servire me fecisti in peccatis tuis, praebuisti mihi laborem in iniquitatibus tuis.
Nova Vulgata 43,25Ego, ego sum ipse, qui deleo iniquitates tuas propter me, et peccatorum tuorum non recordabor.
Nova Vulgata 43,26Memorem me redde, iudicium agamus simul: narra, ut iustificeris.
Nova Vulgata 43,27Pater tuus primus peccavit, et interpretes tui praevaricati sunt in me;
Nova Vulgata 43,28et contaminavi principes sanctuarii, dedi ad internecionem Iacob et Israel in opprobrium».
