Nova Vulgata11,1Locutusque est Dominus ad Moysen in deserto Sinai in tabernaculo conventus, prima die mensis secundi, anno altero egressionis eorum ex Aegypto, dicens:
Nova Vulgata1,2«Tollite summam universae congregationis filiorum Israel per cognationes et domos suas et nomina singulorum, quidquid sexus est masculini
Nova Vulgata1,3a vicesimo anno et supra omnium ex Israel, qui possunt ad bella procedere, et numerabitis eos per turmas suas, tu et Aaron.
Nova Vulgata 1,4Eritque vobiscum vir per tribum, princeps domus patrum suorum,
Nova Vulgata1,5quorum ista sunt nomina: de Ruben Elisur filius Sedeur;
Nova Vulgata1,6de Simeon Salamiel filius Surisaddai;
Nova Vulgata1,7de Iuda Naasson filius Aminadab;
Nova Vulgata1,8de Issachar Nathanael filius Suar;
Nova Vulgata1,9de Zabulon Eliab filius Helon.
Nova Vulgata1,10Filiorum autem Ioseph: de Ephraim Elisama filius Ammiud; de Manasse Gamaliel filius Phadassur.
Nova Vulgata1,11De Beniamin Abidan filius Gedeonis;
Nova Vulgata1,12de Dan Ahiezer filius Ammisaddai;
Nova Vulgata1,13de Aser Phegiel filius Ochran;
Nova Vulgata 1,14de Gad Eliasaph filius Deuel;
Nova Vulgata1,15de Nephthali Ahira filius Enan».
Nova Vulgata Hi viri nobilissimi congregationis principes tribuum patrum suorum et capita milium Israel.
16Viri nobilissimi - Lege cum qere, Gr et Vg (cfr. 26,9) qerû’ê; TM ketib «convocati»
Nova Vulgata1,17Quos tulerunt Moyses et Aaron nominatim designatos
Nova Vulgata1,18et omnem congregationem congregaverunt primo die mensis secundi recensentes eos per cognationes et domos patrum eorum, per nomina singulorum a vicesimo anno et supra per capita,
Nova Vulgata1,19sicut praeceperat Dominus Moysi. Numeratique sunt in deserto Sinai.
Nova Vulgata 1,20De Ruben primogenito Israelis generationes per familias ac domos patrum suorum, per nomina capitum singulorum omne quod sexus est masculini a vicesimo anno et supra procedentium ad bellum.
Nova Vulgata1,21Recensiti tribus Ruben quadraginta sex milia quingenti.
Nova Vulgata 1,22De filiis Simeon generationes per familias ac domos cognationum suarum recensiti sunt per nomina et capita singulorum omne quod sexus est masculini a vicesimo anno et supra procedentium ad bellum.
Nova Vulgata1,23Recensiti tribus Simeon quinquaginta novem milia trecenti.
Nova Vulgata 1,24De filiis Gad generationes per familias ac domos cognationum suarum recensiti sunt per nomina singulorum a viginti annis et supra omnes, qui ad bella procederent,
Nova Vulgata1,25quadraginta quinque milia sescenti quinquaginta.
Nova Vulgata 1,26De filiis Iudae generationes per familias ac domos cognationum suarum per nomina singulorum a vicesimo anno et supra omnes, qui poterant ad bella procedere,
Nova Vulgata1,27recensiti sunt septuaginta quattuor milia sescenti.
Nova Vulgata 1,28De filiis Issachar generationes per familias ac domos cognationum suarum per nomina singulorum a vicesimo anno et supra omnes, qui ad bella procederent,
Nova Vulgata1,29recensiti sunt quinquaginta quattuor milia quadringenti.
Nova Vulgata 1,30De filiis Zabulon generationes per familias ac domos cognationum suarum recensiti sunt per nomina singulorum a vicesimo anno et supra omnes, qui poterant ad bella procedere,
Nova Vulgata1,31quinquaginta septem milia quadringenti.
Nova Vulgata 1,32De filiis Ioseph filiorum Ephraim generationes per familias ac domos cognationum suarum recensiti sunt per nomina singulorum a vicesimo anno et supra omnes, qui poterant ad bella procedere,
Nova Vulgata1,33quadraginta milia quingenti.
Nova Vulgata 1,34Porro filiorum Manasse generationes per familias ac domos cognationum suarum recensiti sunt per nomina singulorum a viginti annis et supra omnes, qui poterant ad bella procedere,
Nova Vulgata1,35triginta duo milia ducenti.
Nova Vulgata 1,36De filiis Beniamin generationes per familias ac domos cognationum suarum recensiti sunt nominibus singulorum a vicesimo anno et supra omnes, qui poterant ad bella procedere,
Nova Vulgata1,37triginta quinque milia quadringenti.
Nova Vulgata 1,38De filiis Dan generationes per familias ac domos cognationum suarum recensiti sunt nominibus singulorum a vicesimo anno et supra omnes, qui poterant ad bella procedere,
Nova Vulgata1,39sexaginta duo milia septingenti.
Nova Vulgata 1,40De filiis Aser generationes per familias ac domos cognationum suarum recensiti sunt per nomina singulorum a vicesimo anno et supra omnes, qui poterant ad bella procedere,
Nova Vulgata1,41quadraginta milia et mille quingenti.
Nova Vulgata 1,42De filiis Nephthali generationes per familias ac domos cognationum suarum recensiti sunt nominibus singulorum a vicesimo anno et supra omnes, qui poterant ad bella procedere,
Nova Vulgata1,43quinquaginta tria milia quadringenti.
Nova Vulgata 1,44Hi sunt quos numeraverunt Moyses et Aaron et duodecim principes Israel, singuli per domos patrum suorum.
Nova Vulgata1,45Fueruntque omnis numerus filiorum Israel per domos patrum suorum a vicesimo anno et supra, qui poterant ad bella procedere,
Nova Vulgata1,46sescenta tria milia virorum quingenti quinquaginta.
Nova Vulgata 1,47Levitae autem in tribu patrum suorum non sunt numerati cum eis.
Nova Vulgata1,48Locutusque est Dominus ad Moysen dicens:
Nova Vulgata1,49«Tribum Levi noli numerare neque pones summam eorum cum filiis Israel,
Nova Vulgata1,50sed constitue eos super habitaculum testimonii et cuncta vasa eius et quidquid ad caeremonias pertinet. Ipsi portabunt habitaculum et omnia utensilia eius et erunt in ministerio ac per gyrum habitaculi metabuntur.
Nova Vulgata1,51Cum proficiscendum fuerit, deponent Levitae habitaculum; cum castrametandum, erigent; quisquis externorum accesserit, occidetur.
Nova Vulgata1,52Metabuntur autem castra filii Israel, unusquisque per turmas et cuneos atque exercitum suum.
Nova Vulgata1,53Porro Levitae per gyrum habitaculi testimonii figent tentoria, ne fiat indignatio super congregationem filiorum Israel, et excubabunt in custodiis habitaculi testimonii».
Nova Vulgata 1,54Fecerunt ergo filii Israel iuxta omnia, quae praeceperat Dominus Moysi.