Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
BibbiaEDU-logo

Nova Vulgata - Vetus Testamentum - Amos - 4

Amos

Nova Vulgata Torna al libro

NT greco

Nova Vulgata 4 Audite verbum hoc,
vaccae Basan,
quae estis in monte Samariae,
quae opprimitis egenos
et vexatis pauperes,
quae dicitis dominis vestris:
«Affer, ut bibamus».
1 Dominis vestris – Lege cum Vg la‛adonêken; TM «dominis earum»
Nova Vulgata
Iuravit Dominus Deus
in sanctitate sua:
«Ecce dies venient super vos,
et levabunt vos in contis
et posteros vestros in hamis piscatoriis;
2 Super vos – Lege ‛alêken; TM habet suffixum masculinum
2 Vos – Lege ’ethken; TM habet suffixum masculinum
Nova Vulgata
et per aperturas exibitis altera contra alteram
et proiciemini in Armon»,
dicit Dominus.
3 Et proiciemini – Lege cum Gr, Syr et Vg wehošlaktenāh; TM «et proicietis»
Nova Vulgata
«Venite in Bethel et impie agite,
ad Galgalam et multiplicate praevaricationem;
et offerte mane victimas vestras,
tribus diebus decimas vestras,
4 Et multiplicate – Lege cum Vg weharbû; TM «multiplicate»
Nova Vulgata
et sacrificate de fermentato laudem
et vocate voluntarias oblationes et annuntiate;
sic enim diligitis, filii Israel»,
dicit Dominus Deus.
5 Et sacrificate – Lege cum Vg weqaṭṭerû; TM «et sacrifica»
Nova Vulgata
4,6«Unde et ego dedi vobis
vacuitatem dentium in cunctis urbibus vestris
et indigentiam panis in omnibus locis vestris;
et non estis reversi ad me»,
dicit Dominus.
Nova Vulgata
«Ego quoque prohibui a vobis imbrem,
cum adhuc tres menses superessent usque ad messem;
et plui super unam civitatem
et super alteram civitatem non plui:
pars una compluta est,
et pars, super quam non plui, aruit.
7 Non plui2 – Lege cum paucis mss Graecis et Vg lo’-’amṭîr; TM «non pluisti»
Nova Vulgata
4,8Tunc fugiebant duae, tres civitates
ad unam civitatem, ut biberent aquam,
et non satiabantur;
sed non redistis ad me»,
dicit Dominus.
Nova Vulgata
4,9«Percussi vos in vento urente et in aurugine;
multitudinem hortorum vestrorum et vinearum vestrarum,
ficeta vestra et oliveta vestra
comedit eruca;
sed non redistis ad me»,
dicit Dominus.
Nova Vulgata
«Misi in vos pestem
sicut pestem Aegypti,
percussi in gladio iuvenes vestros,
captis equis vestris;
et ascendere feci putredinem
castrorum vestrorum in nares vestras;
sed non redistis ad me»,
dicit Dominus.
10 Sicut pestem – Lege kedeber; TM «in via»
10 In nares vestras – Lege be’appêkem; TM «et in nare vestra»
Nova Vulgata
4,11«Subverti vos,
sicut subvertit Deus Sodomam et Gomorram,
et facti estis quasi torris
raptus ab incendio;
sed non redistis ad me»,
dicit Dominus.
Nova Vulgata
4,12Quapropter haec faciam tibi, Israel,
et quia haec faciam tibi,
praeparare in occursum Dei tui, Israel;
Nova Vulgata
4,13quia ecce formans montes et creans ventum
et annuntians homini cogitationem eius,
faciens auroram et tenebras
et gradiens super excelsa terrae;
Dominus, Deus exercituum, nomen eius.
Capitolo 3
Capitolo 5