Nova Vulgata4141,1O mors, quam amara est memoria tua omini pacem habenti in substantiis suis,
Nova Vulgata 41,2viro quieto et, cuius viae directae sunt in omnibus, et adhuc valenti accipere voluptatem!
Nova Vulgata 41,3O mors, bonum est iudicium tuum homini indigenti et, qui minoratur viribus,
Nova Vulgata 41,4defecto aetate et, cui de omnibus cura est, qui fiduciam amisit et perdidit patientiam!
Nova Vulgata 41,5Noli metuere iudicium mortis; memento eorum, qui ante te fuerunt et qui superventuri sunt tibi: hoc iudicium a Domino omni carni;
Nova Vulgata 41,6et quid resistis beneplacito Altissimi? Sive decem sive centum sive mille anni,
Nova Vulgata 41,7non est enim in inferno accusatio vitae.
Nova Vulgata 41,8Filii abominationum fiunt filii peccatorum, et qui conversantur in sedibus impiorum;
Nova Vulgata 41,9filiorum peccatorum periet hereditas, et cum semine illorum assiduitas opprobrii.
Nova Vulgata 41,1010 De patre impio queruntur filii, quoniam propter illum sunt in opprobrio.
Nova Vulgata 41,11Vae vobis, viri impii, qui dereliquistis legem Domini Altissimi!
Nova Vulgata 41,12Et, si nati fueritis, in maledictione nascemini; et, si mortui fueritis, in maledictione erit pars vestra.
Nova Vulgata 41,13Omnia, quae de terra sunt, in terram convertentur, sic impii a maledicto in perditionem.
Nova Vulgata 41,14Luctus hominum in corpore ipsorum; nomen autem impiorum non bonum delebitur.
Nova Vulgata 41,15Curam habe de bono nomine; hoc enim magis permanebit tibi quam mille thesauri pretiosi et magni:
Nova Vulgata 41,16bonae vitae numerus dierum, bonum autem nomen permanebit in aevum.
Nova Vulgata 41,17Melior est homo, qui abscondit stultitiam suam, quam homo, qui abscondit sapientiam suam Sapientia enim abscondita et thesaurus invisibilis, quae utilitas in utrisque?
Nova Vulgata 41,18Disciplinam in pace conservate, filii;
Nova Vulgata 41,19verumtamen reveremini iudicium meum:
Nova Vulgata 41,20non est enim bonum omnem reverentiam observare, et non omnis pudor probatus
Nova Vulgata 41,21Erubescite a patre et a matre de fornicatione et a praesidente et a potente de mendacio,
Nova Vulgata 41,22a principe et a iudice de delicto, a synagoga et plebe de iniquitate,
Nova Vulgata 41,23a socio et amico de iniustitia et de loco, in quo habitas,
Nova Vulgata41,24de furto, de veritate Dei et testamento, de impositione cubiti super mensam et a despectione dati et accepti,
Nova Vulgata 41,25a salutantibus de silentio, a respectu mulieris fornicariae et ab aversione vultus cognati
Nova Vulgata 41,26et ab auferendo partem et non restituendo
Nova Vulgata 41,27et a respiciendo mulierem alieni viri et a curiositate in ancillam eius, neque steteris ad lectum eius;
Nova Vulgata 41,28ab amicis de sermonibus improperii, et, cum dederis, ne improperes;