Nova Vulgata77,1Et factus est sermo Domini ad me dicens:
Nova Vulgata«Et tu, fili hominis, loquere. Haec dicit Dominus Deus terrae Israel: Finis venit, finis super quattuor plagas terrae;
2Loquere – Insere cum Gr et Syr ’êmōr (cfr. 11,5)
Nova Vulgatanunc finis super te, et immittam furorem meum in te et iudicabo te iuxta vias tuas et ponam super te omnes abominationes tuas.
3Super – Lege cum 30 mss Hebraicis et Targ (cfr. Syr) ’aḥar (= post); TM «una»
Nova Vulgata7,4Et non parcet oculus meus super te, et non miserebor, sed vias tuas ponam super te, et abominationes tuae in medio tui erunt, et scietis quia ego Dominus.
Nova Vulgata 7,5Haec dicit Dominus Deus: Afflictio super afflictionem ecce venit.
Nova Vulgata7,6Finis venit, venit finis; evigilavit adversum te, ecce venit.
Nova Vulgata7,7Venit contractio super te, qui habitas in terra; venit tempus, prope est dies turbationis et non iubilationis in montibus.
Nova Vulgata7,8Nunc de propinquo effundam iram meam super te et complebo furorem meum in te et iudicabo te iuxta vias tuas et imponam tibi omnia scelera tua;
Nova Vulgata7,9et non parcet oculus meus, nec miserebor, sed vias tuas imponam tibi, et abominationes tuae in medio tui erunt, et scietis quia ego sum Dominus percutiens.
Nova Vulgata Ecce dies, ecce venit; egressa est contractio, floruit iniustitia, germinavit superbia;
10Iniustitia – Lege hammuṭṭeh (cfr. 9,9); TM «virga»
Nova Vulgata7,11violentia surrexit, ut esset virga impietatis: non ex eis et non ex pompa eorum neque ex sonitu eorum; et non erit requies in eis.
Nova Vulgata7,12Venit tempus, appropinquavit dies: qui emit, non laetetur; et, qui vendit, non lugeat, quia ira super omnem pompam eius.
Nova Vulgata7,13Quia, qui vendit, ad id quod vendidit non revertetur, cum adhuc sit in viventibus vita eorum. Visio enim ad omnem pompam eius non regredietur, et unusquisque in iniquitate sua vitam suam non confortabit.
Nova Vulgata7,14Canite tuba, praeparentur omnia, sed non est qui vadat ad proelium; ira enim mea super universam pompam eius.
Nova Vulgata 7,15Gladius foris, pestis et fames intrinsecus. Qui in agro est, gladio morietur; et, qui in civitate, fame et pestilentia devorabuntur.
Nova Vulgata7,16Et salvabuntur, qui fugerint ex eis, et erunt in montibus quasi columbae convallium omnes gementes, unusquisque in iniquitate sua.
Nova Vulgata 7,17Omnes manus dissolventur, et omnia genua fluent aquis.
Nova Vulgata7,18Et accingent se ciliciis, et operiet eos formido; et in omni facie confusio, et in universis capitibus eorum calvitium.
Nova Vulgata7,19Argentum suum foras proicient, et aurum eorum in immunditiam erit; argentum eorum et aurum eorum non valebit liberare eos in die furoris Domini; animam suam non saturabunt, et ventres eorum non implebuntur, quia scandalum iniquitatis eorum factum est,
Nova Vulgata7,20et ornamentum monilium suorum in superbiam posuerunt et imagines abominationum suarum et simulacrorum fecerunt ex eo; propter hoc dedi eis illud in immunditiam.
Nova Vulgata7,21Et dabo illud in manus alienorum ad diripiendum et impiis terrae in praedam, et contaminabunt illud.
Nova VulgataEt avertam faciem meam ab eis, et violabunt thesaurum meum absconditum; et introibunt in illud praedones et contaminabunt illud
22In illud – Lege bô; TM «in illam» Et contaminabunt illud – Lege weḥillelûhû; TM «et contaminabunt illam»
Nova Vulgataet facient ex illo catenas; quoniam terra plena est iudicio sanguinum, et civitas plena iniquitate.
23Et facient ex illo catenas – Lege we‛āśûhû rattôq (cfr. Gr); TM «fac catenam»
Nova Vulgata7,24Et adducam pessimos de gentibus, et possidebunt domos eorum; et quiescere faciam superbiam potentium, et possidebunt sanctuaria eorum.
Nova Vulgata7,25Angustia superveniente, requirent pacem, et non erit.
Nova Vulgata7,26Calamitas super calamitatem veniet, et auditus super auditum; et quaerent visionem de propheta, et lex peribit a sacerdote, et consilium a senioribus.
Nova Vulgata7,27Rex lugebit, et princeps induetur horrore, et manus populi terrae conturbabuntur. Secundum viam eorum faciam eis et secundum iudicia eorum iudicabo eos, et scient quia ego Dominus».