Nova Vulgata2626,1In die illa cantabitur canticum istud in terra Iudae: «Urbs fortis nobis in salutem; posuit muros et antemurale.
Nova Vulgata 26,2Aperite portas, et ingrediatur gens iusta, quae servat fidem.
Nova Vulgata Propositum eius est firmum; servabis pacem, quia in te speravit.
3Propositum eius – Lege secundum Hexapla Heb. jiṣrô; TM «propositum»
Nova Vulgata 26,4Sperate in Dominum in saeculis aeternis, Dominus est petra aeterna.
Nova Vulgata 26,5Quia evertit habitantes in excelso, civitatem sublimem humiliabit; humiliabit eam usque ad terram, detrahet eam usque ad pulverem.
Nova Vulgata 26,6Conculcabit eam pes, pedes pauperis, gressus egenorum.
Nova Vulgata 26,7Semita iusti recta est; rectum callem iusti complanas.
Nova Vulgata 26,8Et in semita iudiciorum tuorum, Domine, speravimus in te; ad nomen tuum et ad memoriale tuum desiderium animae.
Nova Vulgata 26,9Anima mea desiderat te in nocte, sed et spiritu meo in praecordiis meis te quaero. Cum resplenduerint iudicia tua in terra, iustitiam discent habitatores orbis.
Nova Vulgata 26,10Fit misericordia impio, non discet iustitiam; in terra probitatis inique gerit et non videt maiestatem Domini.
Nova Vulgata 26,11Domine, exaltata est manus tua, et non vident; videant confusi zelum tuum in populum, et ignis hostium tuorum devorabit eos.
Nova Vulgata 26,12Domine, dabis pacem nobis; omnia enim opera nostra operatus es nobis.
Nova Vulgata 26,13Domine Deus noster, possederunt nos domini absque te; tantum in te recordemur nominis tui.
Nova Vulgata 26,14Mortui non reviviscent, defuncti non resurgent; propterea visitasti et contrivisti eos et perdidisti omnem memoriam eorum.
Nova Vulgata 26,15Auxisti gentem, Domine, auxisti gentem, glorificatus es; elongasti omnes terminos terrae.
Nova Vulgata 26,16Domine, in angustia quaesierunt te, fuderunt incantationem, castigatio tua in eis.
Nova Vulgata 26,17Sicut quae concipit, cum appropinquaverit ad partum dolens clamat in doloribus suis, sic facti sumus a facie tua, Domine.
Nova Vulgata 26,18Concepimus et parturivimus, quasi peperimus ventum. Salutes non fecimus in terra, ideo non nati sunt habitatores terrae.
Nova Vulgata 26,19Reviviscent mortui tui, interfecti mei resurgent. Expergiscimini et laudate, qui habitatis in pulvere, quia ros lucis ros tuus, et terra defunctos suos edet in lucem.
Nova Vulgata 26,20Vade, populus meus, intra in cubicula tua, claude ostia tua super te, abscondere modicum ad momentum, donec pertranseat indignatio.
Nova Vulgata 26,21Ecce enim Dominus egredietur de loco suo, ut visitet iniquitatem habitatoris terrae contra eum; et revelabit terra sanguinem suum et non operiet ultra interfectos suos».
