Nova Vulgata2727,1David. Dominus illuminatio mea et salus mea; quem timebo? Dominus protector vitae meae; a quo trepidabo?
Nova Vulgata 27,2Dum appropiant super me nocentes, ut edant carnes meas; qui tribulant me et inimici mei, ipsi infirmati sunt et ceciderunt.
Nova Vulgata 27,3Si consistant adversum me castra, non timebit cor meum; si exsurgat adversum me proelium, in hoc ego sperabo.
Nova Vulgata 27,4Unum petii a Domino, hoc requiram: ut inhabitem in domo Domini omnibus diebus vitae meae, ut videam voluptatem Domini et visitem templum eius.
Nova Vulgata 27,5Quoniam occultabit me in tentorio suo in die malorum. Abscondet me in abscondito tabernaculi sui, in petra exaltabit me.
Nova Vulgata 27,6Et nunc exaltatur caput meum super inimicos meos in circuitu meo. Immolabo in tabernaculo eius hostias vociferationis, cantabo et psalmum dicam Domino.
Nova Vulgata 27,7Exaudi, Domine, vocem meam, qua clamavi, miserere mei et exaudi me.
Nova Vulgata 27,8De te dixit cor meum: «Exquirite faciem meam!». Faciem tuam, Domine, exquiram.
Nova Vulgata 27,9Ne avertas faciem tuam a me, ne declines in ira a servo tuo. Adiutor meus es tu, ne me reicias neque derelinquas me, Deus salutis meae.
Nova Vulgata 27,10Quoniam pater meus et mater mea dereliquerunt me, Dominus autem assumpsit me.
Nova Vulgata 27,11Ostende mihi, Domine, viam tuam et dirige me in semitam rectam propter inimicos meos.
Nova Vulgata 27,12Ne tradideris me in animam tribulantium me; quoniam insurrexerunt in me testes iniqui et qui violentiam spirant.
Nova Vulgata 27,13Credo videre bona Domini in terra viventium.
Nova Vulgata 27,14Exspecta Dominum, viriliter age, et confortetur cor tuum, et sustine Dominum.