Nova Vulgata2424,1Et locutus est Dominus ad Moysen dicens:
Nova Vulgata24,2«Praecipe filiis Israel, ut afferant tibi oleum de olivis purissimum ac lucidum ad concinnandas lucernas candelabri iugiter.
Nova Vulgata24,3Extra velum testimonii in tabernaculo conventus parabit illud Aaron a vespere usque ad mane coram Domino iugiter, ritu perpetuo in generationibus vestris.
Nova Vulgata24,4Super candelabro mundissimo parabit lucernas semper in conspectu Domini.
Nova Vulgata 24,5Accipies quoque similam et coques ex ea duodecim panes, qui singuli habebunt duas decimas,
Nova Vulgata24,6quorum senos altrinsecus super mensam purissimam coram Domino statues.
Nova Vulgata24,7Et pones super ambas strues tus lucidissimum, ut sit panis in memoriale, incensum Domino.
Nova Vulgata24,8Per singula sabbata mutabuntur coram Domino suscepti a filiis Israel; foedus sempiternum.
Nova Vulgata24,9Eruntque Aaron et filiorum eius, ut comedant eos in loco sancto, quia sanctum sanctorum est ei de incensis Domini; iure perpetuo».
Nova Vulgata 24,10Ecce autem egressus filius mulieris Israelitis, quem pepererat de viro Aegyptio inter filios Israel, iurgatus est in castris cum viro Israelita.
Nova Vulgata24,11Cumque blasphemasset nomen et maledixisset ei, adductus est ad Moysen; vocabatur autem mater eius Salomith filia Dabri de tribu Dan.
Nova Vulgata24,12Miseruntque eum in custodiam, donec nossent quid iuberet Dominus.
Nova Vulgata24,13Qui locutus est ad Moysen dicens:
Nova Vulgata24,14«Educ blasphemum extra castra, et ponant omnes, qui audierunt, manus suas super caput eius, et lapidet eum coetus universus.
Nova Vulgata24,15Et ad filios Israel loqueris: Homo, qui maledixerit Deo suo, portabit peccatum suum;
Nova Vulgata24,16et, qui blasphemaverit nomen Domini, morte moriatur: lapidibus opprimet eum omnis coetus, sive ille peregrinus sive civis fuerit. Qui blasphemaverit nomen Domini, morte moriatur.
Nova Vulgata 24,17Qui percusserit et occiderit hominem, morte moriatur.
Nova Vulgata 24,18Qui percusserit animal, reddet vicarium, id est animam pro anima.
Nova Vulgata 24,19Qui irrogaverit maculam cuilibet civium suorum, sicut fecit, sic fiet ei:
Nova Vulgata24,20fracturam pro fractura, oculum pro oculo, dentem pro dente restituet; qualem inflixerit maculam, talem sustinere cogetur.
Nova Vulgata 24,21Qui percusserit iumentum, reddet aliud. Qui percusserit hominem, morietur.
Nova Vulgata24,22Aequum iudicium sit inter vos, sive peregrinus sive civis peccaverit; quia ego sum Dominus Deus vester».
Nova Vulgata 24,23Locutusque est Moyses ad filios Israel, et eduxerunt eum, qui blasphemaverat, extra castra, ac lapidibus oppresserunt. Feceruntque filii Israel, sicut praeceperat Dominus Moysi.
