Nova Vulgata1515,1Oraculum Moab. Quia nocte vastata est Armoab, conticuit; quia nocte vastata est Cirmoab, conticuit.
Nova Vulgata Ascendit filia Dibon ad excelsa in planctum; super Nabo et super Medaba Moab ululavit; in cunctis capitibus eius calvitium, omnis barba rasa.
2Ascendit filia Dibon – Lege ‛āletāh bat-dibôn; TM «ascendit domus et Dibon»
Nova Vulgata 15,3In triviis eius accincti sunt sacco; super tecta eius et in plateis eius omnes ululant, prorumpunt in fletum.
Nova Vulgata 15,4Clamat Hesebon et Eleale, usque Iasa auditur vox eorum; super hoc expediti Moab fremunt, anima eius fremit sibi.
Nova Vulgata 15,5Cor meum super Moab clamat, vectes eius usque ad Segor, Eglatselisiam; per ascensum enim Luith flentes ascendunt et in via Oronaim clamorem contritionis levant.
Nova Vulgata 15,6Aquae enim Nemrim desertae erunt, quia aruit herba, defecit germen, viror omnis interiit.
Nova Vulgata 15,7Ideo supellectiles colligunt, copias divitiarum suas trans torrentem Salicum ducunt.
Nova Vulgata 15,8Quoniam circuivit clamor terminum Moab; usque ad Eglaim ululatus eius, et usque ad Beerelim clamor eius.
Nova Vulgata 15,9Quia aquae Dimon repletae sunt sanguine; ponam enim super Dimon additamenta his, qui fugerint de Moab leonem, et reliquiis terrae.