Nova Vulgata2323,1Dixitque Balaam ad Balac: «Aedifica mihi hic septem aras et para totidem vitulos eiusdemque numeri arietes».
Nova Vulgata23,2Cumque fecisset iuxta sermonem Balaam, imposuerunt vitulum et arietem super aram.
Nova Vulgata23,3Dixitque Balaam ad Balac: «Sta paulisper iuxta holocaustum tuum, donec vadam, si forte occurrat mihi Dominus; et, quodcumque imperaverit, loquar tibi». Cumque abiisset in collem nudum,
Nova Vulgata23,4occurrit illi Deus. Locutusque ad eum Balaam: «Septem, inquit, aras erexi et imposui vitulum et arietem desuper».
Nova Vulgata23,5Dominus autem posuit verbum in ore eius et ait: «Revertere ad Balac et haec loqueris».
Nova Vulgata23,6Reversus invenit stantem Balac iuxta holocaustum suum et omnes principes Moabitarum;
Nova Vulgata23,7assumptaque parabola sua, dixit: «De Aram adduxit me Balac, rex Moabitarum de montibus orientis: “Veni, inquit, et maledic pro me Iacob; propera et detestare Israel!”.
Nova Vulgata 23,8Quomodo maledicam, cui non maledixit Deus? Qua ratione detester, quem Dominus non detestatur?
Nova Vulgata 23,9De summis silicibus video eum et de collibus considero illum: populus solus habitabit et inter gentes non reputabitur.
Nova Vulgata Et quis dinumerare possit pulverem Iacob et quis numeravit arenam Israel? Moriatur anima mea morte iustorum, et fiant novissima mea horum similia».
10Et quis numeravit - Lege cum Gr et Sam ûmî sāpēr; TM «numerum quartae partis»
Nova Vulgata 23,11Dixitque Balac ad Balaam: «Quid est hoc, quod agis? Ut malediceres inimicis meis, vocavi te, et tu e contrario benedicis eis!».
Nova Vulgata23,12Cui ille respondit: «Num aliud possum loqui, nisi quod iusserit Dominus?».
Nova Vulgata23,13Dixit ergo Balac: «Veni mecum in alterum locum, unde partem Israel videas et totum videre non possis; inde maledicito ei».
Nova Vulgata23,14Cumque duxisset eum in campum speculatorum super verticem montis Phasga, aedificavit septem aras imposuitque supra vitulum atque arietem.
Nova VulgataEt dixit Balaam ad Balac: «Sta hic iuxta holocaustum tuum, donec ego obvius pergam».
15Balaam - Adde cum paucis mss Hebraicis, gr et Syr bil’am
Nova Vulgata 23,16Cui cum Dominus occurrisset posuissetque verbum in ore eius, ait: «Revertere ad Balac et haec loqueris ei».
Nova Vulgata23,17Reversus invenit eum stantem iuxta holocaustum suum et principes Moabitarum cum eo. Ad quem Balac: «Quid, inquit, locutus est Dominus?».
Nova Vulgata23,18At ille, assumpta parabola sua, ait: «Surge, Balac, et ausculta; audi, fili Sephor.
Nova Vulgata 23,19Non est Deus quasi homo, ut mentiatur, nec ut filius hominis, ut mutetur. Numquid dixit et non faciet? Locutus est et non implebit?
Nova Vulgata Ad benedicendum adductus sum, benedictionem prohibere non valeo.
20Ad benedicendum - Lege cum Gr, Sam, Syr et Vg lebārēk; TM «benedixit» Adductus sum - Lege cum Gr, Syr et Vg lŭqqaḥti; TM «adduxi»
Nova Vulgata 23,21Non conspicitur malum in Iacob, nec videtur calamitas in Israel. Dominus Deus eius cum eo est, et clangor regis in illo.
Nova Vulgata Deus eduxit illum de Aegypto, sicut cornua bubali est ei.
22Illum - Lege cum Grmss, VL et Vg ’ō ut 24,8; TM «illos»
Nova Vulgata 23,23Non est augurium in Iacob, nec divinatio in Israel. Temporibus suis dicetur Iacob et Israeli quid operatus sit Deus.
Nova Vulgata 23,24Ecce populus ut leaena consurget, et quasi leo erigetur; non accubabit, donec devoret praedam et occisorum sanguinem bibat».
Nova Vulgata 23,25Dixitque Balac ad Balaam: «Nec maledicas ei, nec benedicas!».
Nova Vulgata23,26Et ille ait: «Nonne dixi tibi quod, quidquid mihi Dominus imperaret, hoc facerem?».
Nova Vulgata23,27Et ait Balac ad eum: «Veni, et ducam te ad alîum locum, si forte placeat Deo, ut inde maledicas ei».
Nova Vulgata23,28Cumque duxisset eum super verticem montis Phegor, qui respicit solitudinem,
Nova Vulgata23,29dixit ei Balaam: «Aedifica mihi hic septem aras et para totidem vitulos eiusdemque numeri arietes».
Nova Vulgata23,30Fecit Balac, ut Balaam dixerat, imposuitque vitulos et arietes per singulas aras.