Nova Vulgata2 2,1Vae, qui cogitant iniquitatem et operantur malum in cubilibus suis! In luce matutina faciunt illud, quoniam est in potestate manus eorum.
Nova Vulgata 2,2Concupiscunt agros, et violenter tollunt, domos, et rapiunt. Et opprimunt virum et domum eius, hominem et hereditatem eius.
Nova Vulgata 2,3Idcirco haec dicit Dominus: «Ecce ego cogito super familiam istam malum, unde non auferetis colla vestra; et non ambulabitis erecti, quoniam tempus pessimum est.
Nova Vulgata In die illa sumetur super vos parabola, et assumetur lamentum dicentium: “Depopulatione vastati sumus; pars populi mei commutatur, quam nemo ei restituet; infideli regiones nostrae dividuntur”.
4Nemo ei restituet – Lege cum Gr et Syr ’ên mēšîb lô; TM «quomodo recedere faciet mihi»
Nova Vulgata 2,5Propter hoc non erit tibi mittens funiculum sortis in coetu Domini».
Nova Vulgata 2,6«Ne vaticinemini!». «Vaticinentur, non vaticinentur de his, non cedet confusio!».
Nova Vulgata Numquid maledicta est domus Iacob? Numquid abbreviatus est spiritus Domini, aut tales sunt actiones eius? Nonne verba eius bona sunt cum eo, qui recte graditur?
7Numquid maledicta est – Lege ha’ārûr; Tm «numquid dicta est» Verba eius – Lege cum Gr debārāw; «verba mea»
Nova Vulgata Vos autem contra populum meum ut adversarium consurgitis. Desuper tunica pallium tollitis ei; qui transibant fiducialiter, fiunt quasi bello capti.
8Vos autem contra populum meum – Lege we’attem le‛ammî; TM «et heri populus meus» Consurgitis – Lege qāmîm; Tm «eriget»
Nova Vulgata 2,9Mulieres populi mei eicitis de domo deliciarum suarum; a parvulis earum aufertis decorem meum in perpetuum.
Nova Vulgata «Surgite et ite, quia non habetis hic requiem!». Propter immunditiam peribitis perditione pessima.
10Peribitisperditione– Lege cum Gr teḥubbelû ḥebel (cfr. Vg); TM «perdes et perditio»
Nova Vulgata 2,11Si esset vir vento excitatus et mendacium loqueretur: «Vaticinabor tibi de vino et sicera», hic esset vates populi istius.
Nova Vulgata Congregatione congregabo, Iacob, totum te; in unum conducam reliquias Israel, pariter ponam illum quasi gregem in ovili, quasi pecus in medio pascuae; et tumultuabuntur a multitudine hominum.
12Pascuae; et tumultuabuntur – Lege haddōber ûtehĕmênāh; TM «pascuae euus, perturbant (-ur?)»
Nova Vulgata 2,13Ascendet enim pandens iter ante eos; erumpent et transibunt portam, egredientur per eam. Et transibit rex eorum coram eis, et Dominus in capite eorum.