Nova Vulgata33Timenti Dominum non occurrent mala, sed in tentatione Deus illum iterum conservabit et liberabit a malis.
La: 27b
Nova Vulgata 33,2Sapiens non odit mandata et iustitias et non illidetur quasi in procella navis.
Nova Vulgata 33,3Homo sensatus credit verbo Dei, et lex illi fidelis sicut qui interrogationem manifestat.
Nova Vulgata 33,4Para verba et sic deprecatus exaudieris et conservabis disciplinam et tunc respondebis.
Nova Vulgata 33,5Praecordia fatui quasi rota carri, et quasi axis versatilis cogitatus illius.
Nova Vulgata 33,6Equus admissarius, sic et amicus subsannator: sub omni suprasedente hinnit.
Nova Vulgata 33,7Quare dies diem superat, si omnis lux anni a sole?
Nova Vulgata 33,8A Domini scientia separati sunt,
Nova Vulgata 33,9et immutavit tempora et dies festos ipsorum.
Nova Vulgata 33,10Ex ipsis exaltavit et magnificavit Deus et ex ipsis posuit in numerum dierum. Et omnes homines de solo, et ex terra creatus est Adam.
Nova Vulgata 33,11In multitudine disciplinae Dominus separavit eos et immutavit vias eorum:
Nova Vulgata 33,12ex ipsis benedixit et exaltavit et ex ipsis sanctificavit et ad se applicavit; ex ipsis maledixit et humiliavit et convertit illos a statione ipsorum.
Nova Vulgata 33,13Quasi lutum figuli in manu ipsius plasmare illud et disponere
Nova Vulgata33,14secundum beneplacitum eius, sic homo in manu illius, qui se fecit et reddet illi secundum iudicium suum.
Nova Vulgata 33,15Contra malum bonum est, et contra mortem vita; sic et contra virum iustum peccator. Et sic intuere in omnia opera Altissimi, duo et duo, et unum contra unum.
Nova Vulgata 33,16Et ego novissimus evigilavi et, quasi qui colligit acinos post vindemiatores,
Nova Vulgata 33,17in benedictione Dei et ipse praecessi et, quasi qui vindemiat, replevi torcular.
Nova Vulgata 33,18Respicite quoniam non mihi soli laboravi sed omnibus exquirentibus disciplinam.
Nova Vulgata 33,19Audite me, magnates populi, et rectores ecclesiae, auribus percipite.
Nova Vulgata 33,20Filio et mulieri, fratri et amico non des potestatem super te in vita tua; et non dederis alii possessionem tuam, ne forte paeniteat te et depreceris pro illis.
Nova Vulgata 33,21Dum adhuc superes et aspiras, non commutes teipsum cum omni carne.
Nova Vulgata 33,22Melius est enim, ut filii tui te rogent, quam te respicere in manus filiorum tuorum.
Nova Vulgata 33,23In omnibus operibus tuis praecellens esto,
Nova Vulgata 33,24ne dederis maculam in gloria tua. In die consummationis dierum vitae tuae et in tempore exitus tui distribue hereditatem tuam.
Nova Vulgata 33,25Cibaria et virga et onus asino, panis et disciplina et opus servo.
Nova Vulgata 33,26Operare per servum et invenies requiem; laxa manus illi, et quaeret libertatem.
Nova Vulgata 33,27Iugum et lorum curvant collum, et servum inclinant operationes assiduae.
Nova Vulgata 33,28Servo malevolo tortura et compedes, mitte illum in operationem, ne vacet:
Nova Vulgata 33,29multam enim malitiam docuit otiositas.
Nova Vulgata 33,30In opera constitue eum, sic enim condecet illum; quod si non obaudierit, curva illum compedibus, sed non immoderate in omnem carnem; verum sine iudicio nihil facias grave.
Nova Vulgata 33,31Si est tibi servus unicus, sit tibi quasi anima tua, quoniam sicut te indigebis illo. Si est tibi servus unicus, quasi fratrem sic eum tracta, ne in sanguinem animae tuae irascaris.
Nova Vulgata 33,32Si laeseris eum iniuste, in fugam convertetur;
Nova Vulgata 33,33et, si surgens discesserit, in qua via quaeras illum, nescis.
