Nova Vulgata3232,1Filii autem Ruben et Gad habebant pecora multa, et erat illis in iumentis infinita substantia. Cumque vidissent Iazer et Galaad aptas animalibus alendis terras,
Nova Vulgata32,2venerunt ad Moysen et ad Eleazarum sacerdotem et principes congregationis atque dixerunt:
Nova Vulgata32,3«Ataroth et Dibon et Iazer et Nemra, Hesebon et Eleale et Sabam et Nabo et Beon,
Nova Vulgata32,4terra, quam percussit Dominus in conspectu congregationis Israel, regio uberrima est ad pastum animalium, et nos servi tui habemus iumenta plurima».
Nova Vulgata32,5Dixeruntque: «Si invenimus gratiam coram te, detur haec terra famulis tuis in possessionem, nec facias nos transire Iordanem».
Nova Vulgata 32,6Quibus respondit Moyses: «Numquid fratres vestri ibunt ad pugnam, et vos hic sedebitis?
Nova Vulgata32,7Cur subvertitis mentes filiorum Israel, ne transire audeant in terram, quam eis daturus est Dominus?
Nova Vulgata32,8Nonne ita egerunt patres vestri, quando misi de Cadesbarne ad explorandam terram?
Nova Vulgata32,9Cumque venissent usque ad Nehelescol, lustrata omni regione, subverterunt cor filiorum Israel, ut non intrarent terram, quam eis Dominus dedit.
Nova Vulgata32,10Qui iratus iuravit dicens:
Nova Vulgata32,11“Non videbunt homines isti, qui ascenderunt ex Aegypto, a viginti annis et supra, terram, quam sub iuramento pollicitus sum Abraham, Isaac et Iacob; nam noluerunt sequi me,
Nova Vulgata32,12praeter Chaleb filium Iephonne Cenezaeum et Iosue filium Nun: isti secuti sunt Dominum!”.
Nova Vulgata32,13Iratusque Dominus adversum Israel circumduxit eum per desertum quadraginta annis, donec consumeretur universa generatio, quae fecerat malum in conspectu eius.
Nova Vulgata32,14Et ecce, inquit, vos surrexistis pro patribus vestris progenies hominum peccatorum, ut augeretis furorem irae Domini contra Israel.
Nova VulgataQuod si nolueritis sequi eum, in solitudine iterum populum hunc circumducet, et vos causa eritis necis omnium».
15Circumducet - Lege cum Syr (cfr. v. 13) lahanîakem; TM «derelinquat»
Nova Vulgata 32,16At illi prope accedentes dixerunt: «Caulas ovium fabricabimus pro iumentis nostris, parvulis quoque nostris urbes;
Nova Vulgata32,17nos autem ipsi armati et accincti pergemus ad proelium ante filios Israel, donec introducamus eos ad loca sua. Parvuli nostri erunt in urbibus muratis propter habitatorum insidias.
Nova Vulgata32,18Non revertemur in domos nostras usque dum possideant filii Israel hereditatem suam;
Nova Vulgata32,19nec quidquam quaeremus trans Iordanem et ultra, quia iam habemus nostram hereditatem in orientali eius plaga».
Nova Vulgata 32,20Quibus Moyses ait: «Si feceritis quod promittitis, si expediti perrexeritis coram Domino ad pugnam,
Nova Vulgata32,21et omnis vir bellator armatus Iordanem transierit, donec expulerit Dominus inimicos suos ante se,
Nova Vulgata32,22et subiecta ei omni terra redieritis in terram hanc, tunc eritis inculpabiles apud Dominum et apud Israel et obtinebitis terram hanc in hereditatem coram Domino.
Nova Vulgata32,23Sin autem, quod dicitis, non feceritis, nulli dubium est quin peccetis in Dominum; et scitote quoniam peccatum vestrum apprehendet vos.
Nova Vulgata32,24Aedificate ergo urbes parvulis vestris et caulas ovibus et, quod polliciti estis, implete».
Nova Vulgata Dixeruntque filii Gad et Ruben ad Moysen: «Servi tui sumus, faciemus, quod iubet dominus noster:
25Dixeruntque - Lege cum Sebir, nonnullis mss Hebraicis, Gr, Sam, Syr et Vg wajj’omerû; TM «dixitque»
Nova Vulgata32,26parvulos nostros, mulieres, pecora ac iumenta remanebunt ibi in urbibus Galaad;
Nova Vulgata32,27famuli autem tui, omnes expediti pergent coram Domino ad bellum, sicut tu, domine, loqueris».
Nova Vulgata 32,28Praecepit ergo Moyses Eleazaro sacerdoti et Iosue filio Nun et principibus familiarum per tribus filiorum Israel et dixit ad eos:
Nova Vulgata32,29«Si transierint filii Gad et filii Ruben vobiscum Iordanem omnes armati ad bellum coram Domino, et vobis fuerit terra subiecta, date eis Galaad in possessionem.
Nova Vulgata32,30Sin autem noluerint transire armati vobiscum in terram Chanaan, inter vos habitandi accipiant loca».
Nova Vulgata32,31Responderuntque filii Gad et filii Ruben: «Sicut locutus est Dominus servis suis, ita faciemus.
Nova Vulgata32,32Ipsi armati pergemus coram Domino in terram Chanaan; et possidebimus hereditatem nostram trans Iordanem».
Nova Vulgata 32,33Dedit itaque Moyses filiis Gad et Ruben et dimidiae tribui Manasse filii Ioseph regnum Sehon regis Amorraei et regnum Og regis Basan, terram cum urbibus suis et terminis, urbes terrae per circuitum.
Nova Vulgata32,34Igitur exstruxerunt filii Gad Dibon et Ataroth et Aroer
Nova Vulgata32,35et Atrothsophan et Iazer et Iegbaa
Nova Vulgata32,36et Bethnemra et Betharan, urbes munitas, et caulas pecoribus suis.
Nova Vulgata32,37Filii vero Ruben aedificaverunt Hesebon et Eleale et Cariathaim
Nova Vulgata32,38et Nabo et Baalmeon, versis nominibus, Sabama quoque, imponentes vocabula urbibus, quas exstruxerant.
Nova Vulgata32,39Porro filii Machir filii Manasse perrexerunt in Galaad et ceperunt eam, expulso Amorraeo habitatore eius.
Nova Vulgata32,40Dedit ergo Moyses terram Galaad Machir filio Manasse, qui habitavit in ea.
Nova Vulgata32,41Iair autem filius Manasse abiit et occupavit vicos eius, quos appellavit Havoth Iair (id est villas Iair).
Nova Vulgata32,42Nobe quoque perrexit et apprehendit Canath cum viculis suis vocavitque eam ex nomine suo Nobe.