Nova Vulgata9Saulus autem, adhuc spirans minarum et caedis in discipulos Domini, accessit ad principem sacerdotum
1adhuc inspirans minarum
Nova Vulgata9,2et petiit ab eo epistulas in Damascum ad synagogas, ut si quos invenisset huius viae viros ac mulieres, vinctos perduceret in Ierusalem.
Nova Vulgata9,3Et cum iter faceret, contigit ut appropinquaret Damasco, et subito circumfulsit eum lux de caelo,
Nova Vulgataet cadens in terram audivit vocem dicentem sibi: “ Saul Saul, quid me persequeris? ”.
4Saule Saule
Nova VulgataQui dixit: “ Quis es, Domine? ”. Et ille: “ Ego sum Iesus, quem tu persequeris!
5Clem.: persequeris; durum est tibi contra stimulum calcitrare.
Nova VulgataSed surge et ingredere civitatem, et dicetur tibi quid te oporteat facere ”.
6Et tremens ac stupens dixit: Domine, quid me vis facere? Et Dominus ad eum
Nova Vulgata9,7Viri autem illi, qui comitabantur cum eo, stabant stupefacti, audientes quidem vocem, neminem autem videntes.
Nova Vulgata9,8Surrexit autem Saulus de terra apertisque oculis nihil videbat; ad manus autem illum trahentes introduxerunt Damascum.
Nova Vulgata9,9Et erat tribus diebus non videns et non manducavit neque bibit.
Nova Vulgata 9,10Erat autem quidam discipulus Damasci nomine Ananias, et dixit ad illum in visu Dominus: “ Anania ”. At ille ait: “ Ecce ego, Domine ”.
Nova Vulgata9,11Et Dominus ad illum: “ Surgens vade in vicum, qui vocatur Rectus, et quaere in domo Iudae Saulum nomine Tarsensem; ecce enim orat
Nova Vulgata9,12et vidit virum Ananiam nomine introeuntem et imponentem sibi manus, ut visum recipiat ”.
Nova Vulgata9,13Respondit autem Ananias: “ Domine, audivi a multis de viro hoc, quanta mala sanctis tuis fecerit in Ierusalem;
Nova Vulgata9,14et hic habet potestatem a principibus sacerdotum alligandi omnes, qui invocant nomen tuum ”.
Nova Vulgata9,15Dixit autem ad eum Dominus: “ Vade, quoniam vas electionis est mihi iste, ut portet nomen meum coram gentibus et regibus et filiis Israel;
Nova Vulgata9,16ego enim ostendam illi quanta oporteat eum pro nomine meo pati ”.
Nova VulgataEt abiit Ananias et introivit in domum et imponens ei manus dixit: “ Saul frater, Dominus misit me, Iesus qui apparuit tibi in via, qua veniebas, ut videas et implearis Spiritu Sancto ”.
17Saule frater
Nova Vulgata9,18Et confestim ceciderunt ab oculis eius tamquam squamae, et visum recepit. Et surgens baptizatus est
Nova Vulgata9,19et, cum accepisset cibum, confortatus est. Fuit autem cum discipulis, qui erant Damasci, per dies aliquot
Nova Vulgata9,20et continuo in synagogis praedicabat Iesum, quoniam hic est Filius Dei.
Nova VulgataStupebant autem omnes, qui audiebant, et dicebant: “ Nonne hic est, qui expugnabat in Ierusalem eos, qui invocabant nomen istud, et huc ad hoc venerat, ut vinctos illos duceret ad principes sacerdotum? ”.
21et huc ad hoc venit
Nova Vulgata9,22Saulus autem magis convalescebat et confundebat Iudaeos, qui habitabant Damasci, affirmans quoniam hic est Christus.
Nova Vulgata9,23Cum implerentur autem dies multi, consilium fecerunt Iudaei, ut eum interficerent;
Nova Vulgata9,24notae autem factae sunt Saulo insidiae eorum. Custodiebant autem et portas die ac nocte, ut eum interficerent;
Nova Vulgata9,25accipientes autem discipuli eius nocte per murum dimiserunt eum submittentes in sporta.
Nova Vulgata 9,26Cum autem venisset in Ierusalem, tentabat iungere se discipulis; et omnes timebant eum, non credentes quia esset discipulus.
Nova Vulgata9,27Barnabas autem apprehensum illum duxit ad apostolos et narravit illis quomodo in via vidisset Dominum, et quia locutus est ei, et quomodo in Damasco fiducialiter egerit in nomine Iesu.
Nova VulgataEt erat cum illis intrans et exiens in Ierusalem, fiducialiter agens in nomine Domini.
28in Hierusalem et fiducialiter agens
Nova Vulgata9,29Loquebatur quoque et disputabat cum Graecis; illi autem quaerebant occidere eum.
Nova Vulgata9,30Quod cum cognovissent, fratres deduxerunt eum Caesaream et dimiserunt Tarsum.
Nova Vulgata Ecclesia quidem per totam Iudaeam et Galilaeam et Samariam habebat pacem; aedificabatur et ambulabat in timore Domini et consolatione Sancti Spiritus crescebat.
31et aedificabatur ambulans in timore | Sancti Spiritus replebatur
Nova Vulgata 9,32Factum est autem Petrum, dum pertransiret universos, devenire et ad sanctos, qui habitabant Lyddae.
Nova Vulgata9,33Invenit autem ibi hominem quendam nomine Aeneam ab annis octo iacentem in grabato, qui erat paralyticus.
Nova VulgataEt ait illi Petrus: “ Aenea, sanat te Iesus Christus; surge et sterne tibi ”. Et continuo surrexit.
34Aeneas
Nova VulgataEt viderunt illum omnes, qui inhabitabant Lyddam et Saron, qui conversi sunt ad Dominum.
35omnes qui habitabant Lyddae et Saronae
Nova Vulgata In Ioppe autem erat quaedam discipula nomine Tabitha, quae interpretata dicitur Dorcas; haec erat plena operibus bonis et eleemosynis, quas faciebat.
36in Ioppe autem fuit | Tabitas
Nova VulgataFactum est autem in diebus illis ut infirmata moreretur; quam cum lavissent, posuerunt in cenaculo.
37posuerunt eam in cenaculo
Nova Vulgata9,38Cum autem prope esset Lydda ab Ioppe, discipuli audientes quia Petrus esset in ea, miserunt duos viros ad eum rogantes: “ Ne pigriteris venire usque ad nos! ”.
Nova VulgataExsurgens autem Petrus venit cum illis; et cum advenisset, duxerunt illum in cenaculum et circumsteterunt illum omnes viduae flentes et ostendentes tunicas et vestes, quas faciebat Dorcas, cum esset cum illis.
39quas faciebat illis Dorcas
Nova VulgataEiectis autem omnibus foras Petrus, et ponens genua oravit et conversus ad corpus dixit: “ Tabitha, surge! ”. At illa aperuit oculos suos et, viso Petro, resedit.
40Petrus ponens genua oravit
Nova VulgataDans autem illi manum erexit eam et, cum vocasset sanctos et viduas, exhibuit eam vivam.
41et viduas adsignavit eam vivam
Nova Vulgata 9,42Notum autem factum est per universam Ioppen, et crediderunt multi in Domino.
Nova Vulgata9,43Factum est autem, ut dies multos moraretur in Ioppe apud quendam Simonem coriarium.