Nova Vulgata1414,1Et factum est cum intraret in domum cuiusdam principis pharisaeorum sabbato manducare panem, et ipsi observabant eum.
Nova Vulgata14,2Et ecce homo quidam hydropicus erat ante illum.
Nova VulgataEt respondens Iesus dixit ad legis peritos et pharisaeos dicens: “ Licet sabbato curare an non? ”.
3si licet sabbato curare
Nova Vulgata14,4At illi tacuerunt. Ipse vero apprehensum sanavit eum ac dimisit.
Nova VulgataEt ad illos dixit: “ Cuius vestrum filius aut bos in puteum cadet, et non continuo extrahet illum die sabbati? ”.
5Et respondens ad illos dixit: Cuius vestrum asinus aut bos
Nova Vulgata14,6Et non poterant ad haec respondere illi.
Nova Vulgata Dicebat autem ad invitatos parabolam, intendens quomodo primos accubitus eligerent, dicens ad illos:
7Dicebat autem et ad invitatos parabolam
Nova VulgataCum invitatus fueris ab aliquo ad nuptias, non discumbas in primo loco, ne forte honoratior te sit invitatus ab eo,
8Cum invitatus fueris ad nuptias
Nova Vulgata14,9et veniens is qui te et illum vocavit, dicat tibi: “Da huic locum”; et tunc incipias cum rubore novissimum locum tenere.
Nova VulgataSed cum vocatus fueris, vade, recumbe in novissimo loco, ut, cum venerit qui te invitavit, dicat tibi: “Amice, ascende superius”; tunc erit tibi gloria coram omnibus simul discumbentibus.
10gloria coram simul discumbentibus
Nova Vulgata14,11Quia omnis, qui se exaltat, humiliabitur; et, qui se humiliat, exaltabitur ”.
Nova Vulgata 14,12Dicebat autem et ei, qui se invitaverat: “ Cum facis prandium aut cenam, noli vocare amicos tuos neque fratres tuos neque cognatos neque vicinos divites, ne forte et ipsi te reinvitent et fiat tibi retributio.
Nova Vulgata14,13Sed cum facis convivium, voca pauperes, debiles, claudos, caecos;
Nova Vulgata14,14et beatus eris, quia non habent retribuere tibi. Retribuetur enim tibi in resurrectione iustorum ”.
Nova Vulgata 14,15Haec cum audisset quidam de simul discumbentibus, dixit illi: “ Beatus, qui manducabit panem in regno Dei ”.
Nova Vulgata14,16At ipse dixit ei: “ Homo quidam fecit cenam magnam et vocavit multos;
Nova Vulgataet misit servum suum hora cenae dicere invitatis: “Venite, quia iam paratum est”.
17dicere invitatis ut venirent quia iam parata sunt omnia
Nova Vulgata14,18Et coeperunt simul omnes excusare. Primus dixit ei: “Villam emi et necesse habeo exire et videre illam; rogo te, habe me excusatum”.
Nova Vulgata14,19Et alter dixit: “Iuga boum emi quinque et eo probare illa; rogo te, habe me excusatum”.
Nova Vulgata14,20Et alius dixit: “Uxorem duxi et ideo non possum venire”.
Nova Vulgata14,21Et reversus servus nuntiavit haec domino suo. Tunc iratus pater familias dixit servo suo: “Exi cito in plateas et vicos civitatis et pauperes ac debiles et caecos et claudos introduc huc”.
Nova Vulgata14,22Et ait servus: “Domine, factum est ut imperasti, et adhuc locus est”.
Nova Vulgata14,23Et ait dominus servo: “Exi in vias et saepes, et compelle intrare, ut impleatur domus mea.
Nova Vulgata14,24Dico autem vobis, quod nemo virorum illorum, qui vocati sunt, gustabit cenam meam” ”.
Nova Vulgata 14,25Ibant autem turbae multae cum eo, et conversus dixit ad illos:
Nova Vulgata“ Si quis venit ad me et non odit patrem suum et matrem et uxorem et filios et fratres et sorores, adhuc et animam suam, non potest esse meus discipulus.
26adhuc autem et
Nova Vulgata14,27Et, qui non baiulat crucem suam et venit post me, non potest esse meus discipulus.
Nova Vulgata Quis enim ex vobis volens turrem aedificare, non prius sedens computat sumptus, si habet ad perficiendum?
28computat sumptus qui necessarii sunt
Nova Vulgata14,29Ne, posteaquam posuerit fundamentum et non potuerit perficere, omnes, qui vident, incipiant illudere ei
Nova Vulgatadicentes: “Hic homo coepit aedificare et non potuit consummare”.
30dicentes quia hic homo
Nova Vulgata14,31Aut quis rex, iturus committere bellum adversus alium regem, non sedens prius cogitat si possit cum decem milibus occurrere ei, qui cum viginti milibus venit ad se?
Nova Vulgata14,32Alioquin, adhuc illo longe agente, legationem mittens rogat ea, quae pacis sunt.
Nova Vulgata14,33Sic ergo omnis ex vobis, qui non renuntiat omnibus, quae possidet, non potest meus esse discipulus.
Nova Vulgata 14,34Bonum est sal; si autem sal quoque evanuerit, in quo condietur?
Nova VulgataNeque in terram neque in sterquilinium utile est, sed foras proiciunt illud. Qui habet aures audiendi, audiat ”.