Nova Vulgata2Et cum compleretur dies Pentecostes, erant omnes pariter in eodem loco.
1Et cum conplerentur dies Pentecostes
Nova Vulgata2,2Et factus est repente de caelo sonus tamquam advenientis spiritus vehementis et replevit totam domum, ubi erant sedentes.
Nova Vulgata2,3Et apparuerunt illis dispertitae linguae tamquam ignis, seditque supra singulos eorum;
Nova Vulgataet repleti sunt omnes Spiritu Sancto et coeperunt loqui aliis linguis, prout Spiritus dabat eloqui illis.
4prout Spiritus Sanctus dabat eloqui illis
Nova Vulgata Erant autem in Ierusalem habitantes Iudaei, viri religiosi ex omni natione, quae sub caelo est;
5quae sub caelo sunt
Nova Vulgatafacta autem hac voce, convenit multitudo et confusa est, quoniam audiebat unusquisque lingua sua illos loquentes.
6convenit multitudo et mente confusa est
Nova VulgataStupebant autem et mirabantur dicentes: “ Nonne ecce omnes isti, qui loquuntur, Galilaei sunt?
7Stupebant autem omnes | Nonne omnes ecce isti
Nova VulgataEt quomodo nos audimus unusquisque propria lingua nostra, in qua nati sumus?
8Et quomodo nos audivimus unusquisque lingua nostra
Nova VulgataParthi et Medi et Elamitae et qui habitant Mesopotamiam, Iudaeam quoque et Cappadociam, Pontum et Asiam,
9et Iudaeam et Cappadociam
Nova VulgataPhrygiam quoque et Pamphyliam, Aegyptum et partes Libyae, quae est circa Cyrenem, et advenae Romani,
10Phrygiam et Pamphyliam
Nova VulgataIudaei quoque et proselyti, Cretes et Arabes, audimus loquentes eos nostris linguis magnalia Dei ”.
11audivimus loquentes eos
Nova VulgataStupebant autem omnes et haesitabant ad invicem dicentes: “ Quidnam hoc vult esse? ”;
12Stupebant autem omnes et mirabantur ad invicem
Nova Vulgataalii autem irridentes dicebant: “ Musto pleni sunt isti ”.
13dicebant quia
Nova Vulgata 2,14Stans autem Petrus cum Undecim levavit vocem suam et locutus est eis: “ Viri Iudaei et qui habitatis Ierusalem universi, hoc vobis notum sit, et auribus percipite verba mea.
Nova VulgataNon enim, sicut vos aestimatis, hi ebrii sunt, est enim hora diei tertia,
15cum sit hora diei tertia
Nova Vulgata2,16sed hoc est, quod dictum est per prophetam Ioel:
Nova Vulgata “Et erit: in novissimis diebus, dicit Deus, effundam de Spiritu meo super omnem carnem, et prophetabunt filii vestri et filiae vestrae, et iuvenes vestri visiones videbunt, et seniores vestri somnia somniabunt;
17Et erit in novissimis diebus, dicit Dominus
Nova Vulgata 2,18et quidem super servos meos et super ancillas meas in diebus illis effundam de Spiritu meo, et prophetabunt.
Nova Vulgata 2,19Et dabo prodigia in caelo sursum et signa in terra deorsum, sanguinem et ignem et vaporem fumi;
Nova Vulgata 2,20sol convertetur in tenebras, et luna in sanguinem, antequam veniat dies Domini magnus et manifestus.
Nova Vulgata 2,21Et erit: omnis quicumque invocaverit nomen Domini, salvus erit”.
Nova Vulgata Viri Israelitae, audite verba haec: Iesum Nazarenum, virum approbatum a Deo apud vos virtutibus et prodigiis et signis, quae fecit per illum Deus in medio vestri, sicut ipsi scitis,
22virum adprobatum a Deo in vobis | sicut vos scitis
Nova Vulgatahunc definito consilio et praescientia Dei traditum per manum iniquorum affigentes interemistis,
23per manus
Nova Vulgataquem Deus suscitavit, solutis doloribus mortis, iuxta quod impossibile erat teneri illum ab ea.
24solutis doloribus inferni | teneri illum ab eo
Nova VulgataDavid enim dicit circa eum: “Providebam Dominum coram me semper, quoniam a dextris meis est, ne commovear.
25David enim dicit in eum
Nova Vulgata 2,26Propter hoc laetatum est cor meum, et exsultavit lingua mea; insuper et caro mea requiescet in spe.
Nova Vulgata 2,27Quoniam non derelinques animam meam in inferno neque dabis Sanctum tuum videre corruptionem.
Nova Vulgata 2,28Notas fecisti mihi vias vitae, replebis me iucunditate cum facie tua”.
Nova Vulgata 2,29Viri fratres, liceat audenter dicere ad vos de patriarcha David, quoniam et defunctus est et sepultus est, et sepulcrum eius est apud nos usque in hodiernum diem;
Nova Vulgata2,30propheta igitur cum esset et sciret quia iure iurando iurasset illi Deus de fructu lumbi eius sedere super sedem eius,
Nova Vulgata2,31providens locutus est de resurrectione Christi, quia neque derelictus est in inferno, neque caro eius vidit corruptionem.
Nova Vulgata Hunc Iesum resuscitavit Deus, cuius omnes nos testes sumus.
32cui omnes nos testes sumus
Nova VulgataDextera igitur Dei exaltatus, et promissione Spiritus Sancti accepta a Patre, effudit hunc, quem vos videtis et auditis.
33videtis et audistis
Nova Vulgata2,34Non enim David ascendit in caelos; dicit autem ipse: “Dixit Dominus Domino meo: Sede a dextris meis,
Nova Vulgata 2,35donec ponam inimicos tuos scabellum pedum tuorum”.
Nova Vulgata 2,36Certissime ergo sciat omnis domus Israel quia et Dominum eum et Christum Deus fecit, hunc Iesum, quem vos crucifixistis ”.
Nova Vulgata His auditis, compuncti sunt corde et dixerunt ad Petrum et reliquos apostolos: “ Quid faciemus, viri fratres? ”.
37et ad reliquos apostolos
Nova Vulgata2,38Petrus vero ad illos: “ Paenitentiam, inquit, agite, et baptizetur unusquisque vestrum in nomine Iesu Christi in remissionem peccatorum vestrorum, et accipietis donum Sancti Spiritus;
Nova Vulgata2,39vobis enim est repromissio et filiis vestris et omnibus, qui longe sunt, quoscumque advocaverit Dominus Deus noster ”.
Nova Vulgata2,40Aliis etiam verbis pluribus testificatus est et exhortabatur eos dicens: “ Salvamini a generatione ista prava ”.
Nova VulgataQui ergo, recepto sermone eius, baptizati sunt; et appositae sunt in illa die animae circiter tria milia.
41Qui ergo receperunt sermonem eius
Nova Vulgata Erant autem perseverantes in doctrina apostolorum et communicatione, in fractione panis et orationibus.
42et communicatione fractionis panis
Nova VulgataFiebat autem omni animae timor; multa quoque prodigia et signa per apostolos fiebant.
43per apostolos fiebant in Hierusalem et metus erat magnus in universis
Nova VulgataOmnes autem, qui crediderant, erant pariter et habebant omnia communia,
44omnes etiam qui credebant erant pariter
Nova Vulgataet possessiones et substantias vendebant et dividebant illas omnibus, prout cuique opus erat;
45possessiones et substantias vendebant
Nova Vulgata2,46cotidie quoque perdurantes unanimiter in templo et frangentes circa domos panem, sumebant cibum cum exsultatione et simplicitate cordis,
Nova Vulgata2,47collaudantes Deum et habentes gratiam ad omnem plebem. Dominus autem augebat, qui salvi fierent cotidie in idipsum.