Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Isaiae

32 Ecce in iustitia regnabit rex,

et principes in iudicio praeerunt.

1 Et principes – Lege cum Targ, Syr, Gr et Vg weśārîm; TM «et principibus»

2Et erit vir sicut latibulum a vento

et refugium a tempestate,

sicut rivi aquarum in sitiente terra

et umbra petrae magnae in terra arida.

3Non caligabunt oculi videntium,

et aures audientium diligenter auscultabunt,


4et cor stultorum intelleget scientiam,

et lingua balborum velociter loquetur et plane.


5Non vocabitur ultra is, qui insipiens est, nobilis,

neque fraudulentus appellabitur maior;


stultus enim fatua loquitur,
et cor eius cogitat iniquitatem,

ut perficiat impietatem

et loquatur contra Dominum errores

et vacuam faciat animam esurientem

et potum sitienti auferat.

6 Cogitat – Lege cum Targ, Syr, Gr et VL jaḥăšob; TM «faciet»

7Fraudulenti fraudes pessimae sunt;

ipse enim cogitationes concinnat

ad perdendos mites in sermone mendaci,

etiam quando pauper iudicium vindicat.


8Nobilis vero consilia nobilia dat

et ipse ad nobilia assurget.


9Mulieres vanae, surgite, audite vocem meam;

filiae confidentes, percipite auribus eloquium meum.

10Post dies enim et annum

vos pavebitis confidentes;

consummata est enim vindemia,

collectio ultra non veniet.


11Obstupescite, vanae;

pavete, confidentes,

exuite vos et nudate vos,

accingite lumbos vestros.


12Super ubera plangite,

super regione desiderabili,

super vinea fertili.


13Super humum populi mei

spinae et vepres ascendent,

super omnes domos gaudii,

super civitatem exsultantem.


14Domus enim dimissa est;

multitudo urbis relicta est,

Ophel et Bahan erunt speluncae

usque in aeternum,
gaudium onagrorum,

pascua gregum,

15donec effundatur super nos

spiritus de excelso.

Et erit desertum in hortum,

et hortus in saltum reputabitur,


16et habitabit in solitudine iudicium,

et iustitia in horto sedebit;


17et erit opus iustitiae pax,

et cultus iustitiae silentium,

et securitas usque in sempiternum.


18Et sedebit populus meus in habitatione pacis

et in tabernaculis fiduciae

et in locis securis.


Et penitus cadet saltus,

et profunde deprimetur civitas.

19 Cadet – Lege wejārad; TM «et grando»

20Beati, qui seminatis super omnes aquas,

immittentes pedem bovis et asini.

Note al testo

1 Et principes – Lege cum Targ, Syr, Gr et Vg weśārîm; TM «et principibus»
6 Cogitat – Lege cum Targ, Syr, Gr et VL jaḥăšob; TM «faciet»
19 Cadet – Lege wejārad; TM «et grando»