Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Isaiae

11
1Et egredietur virga de stirpe Iesse,

et flos de radice eius ascendet;


2et requiescet super eum spiritus Domini:

spiritus sapientiae et intellectus,

spiritus consilii et fortitudinis,

spiritus scientiae et timoris Domini;


et deliciae eius in timore Domini.

Non secundum visionem oculorum iudicabit

neque secundum auditum aurium decernet;

3 Non – Lege cum multis mss Hebraicis et verss lō’; TM «et non»

4sed iudicabit in iustitia pauperes

et decernet in aequitate pro mansuetis terrae;

et percutiet terram virga oris sui

et spiritu labiorum suorum interficiet impium.


5Et erit iustitia cingulum lumborum eius,

et fides cinctorium renum eius.


Habitabit lupus cum agno,

et pardus cum haedo accubabit;

vitulus et leo simul saginabuntur,

et puer parvulus minabit eos.

6 Saginabuntur – Lege cum 1QIsa jimrû; TM «et saginatus»

7Vitula et ursus pascentur,

simul accubabunt catuli eorum;

et leo sicut bos comedet paleas.


8Et ludet infans ab ubere

super foramine aspidis;

et in cavernam reguli,
qui ablactatus fuerit, manum suam mittet.


9Non nocebunt et non occident

in universo monte sancto meo,

quia plena erit terra scientia Domini,
sicut aquae mare operiunt.


10In die illa radix Iesse

stat in signum populorum;

ipsam gentes requirent,

et erit sedes eius gloriosa.


11Et erit in die illa: rursus extendet Dominus manum suam

ad possidendum residuum populi sui,

quod relictum erit ab Assyria et ab Aegypto

et a Phatros et ab Aethiopia

et ab Elam et a Sennaar

et ab Emath et ab insulis maris;


12et levabit signum in nationes

et congregabit profugos Israel

et dispersos Iudae colliget a quattuor plagis terrae.


13Et auferetur zelus Ephraim,

et hostes Iudae abscindentur;

Ephraim non aemulabitur Iudam,
et Iudas non pugnabit contra Ephraim.


14Et volabunt in umeros Philisthim ad mare,

simul praedabuntur filios orientis:

in Edom et Moab extendent manus suas,

et filii Ammon oboedient eis.


Et exsiccabit Dominus linguam maris Aegypti

et levabit manum suam super flumen in fortitudine spiritus sui

et percutiet illud in septem rivos,

ita ut transire faciat eos calceatos.

15 Exsiccabit – Lege cum Targ, Gr et Syr weheḥĕrîb; TM «exstirpabit»

16Et erit via residuo populo meo,

qui relinquetur ab Assyria,

sicut fuit Israeli in die illa,

qua ascendit de terra Aegypti.


Note al testo

3 Non – Lege cum multis mss Hebraicis et verss lō’; TM «et non»
6 Saginabuntur – Lege cum 1QIsa jimrû; TM «et saginatus»
15 Exsiccabit – Lege cum Targ, Gr et Syr weheḥĕrîb; TM «exstirpabit»